Ekstradimi i shtetasit turk Harun Çelik drejt Turqisë është realizuar me përfshirjne e shërbimit sektret turk. Kështu raporton Anadolu Agency e cila përcjell edhe një material video me këtë rast nga Rinasi. Policia e Shtetit e Shqipërisë i ka thënë Agjencisë në fjalë se Çelik është kapur në Rinas me dokumente false, por është esktraduar pasi ka kryer dënimin e vet.

Në datën 1 janar kryetari i ri i OSBE-së Edi Rama, ka adresuar ato që i quan prioritete të kryesisë shqiptare. I pashëruar nga inflacioni i vizioneve, zoti Rama ka parashtruar si të tilla përmbushjen e koncepteve të OSBE-së për sigurinë si zgjidhja dhe negociimi i konflikteve, moitorimi i reformave, përmirësimi i klimës së sigurisë dhe forcimi i dialogut.

Ndërtimi i gazjellësit EastMed ka hyrë në axhendë prioritare për tre vendet nënshkruese, Greqia, Izraeli dhe Qipro. Mediat greke raportojnë se marrëveshja nënshkruhet sot mes ministrave përkatës të Energjisë, Kostis Hatzidakis, Yuval Steinitz dhe Yiorgos Lakkotrypis të Qipros në prani në kryeministri grek, Mitsotakis, atij izraelit Benjamin Netanyahu dhe presidentit qipriot Nicos Anastasiades.

Sebastian Kurz ka “kapërcyer ylberin” duke arritur një marrëveshje plitike me Të Gjelbrit në Austri. Ai ka njoftuar krijimin e koalicionit ditën e ndërrimit të viteve në një konferencë të përbashkët për shtyp me partnerin e ri politik, Werner Kolger. Marrëveshja arrihet tre muaj pas zgjedhjeve parlamentare që u provokuan nga një video skandal ku shfaqej zv.kancelari Heinz – Christian Strache që ofronte kontrata shtetërore.

Sot Shqipëria ka marrë zyrtarisht drejtimin e OSBE-së. Ministri i Jashtëm në Detyrë Gent Cakaj ka dhënë njoftimin duke lënë të kuptohet se detyrën e kryesimit do ta ushtrojë ai. 

Shqipëria po përballet me ikje masive, sidomos të të rinjve dhe kjo, sipas imzot George Frendos është diçka tragjike. Në një intervistë për TvT, kryeipeshkvi bën thirrje për më tepër angazhim të vetë qytetarëve dhe për vëmendje më të madhe të politikës.

Kryeministri Edi Rama shpërndan në Facebook një video për ato që i quaj arritje në kulturë. Për z. Rama 2019, ishte një vit i jashtëzakonshëm. I shkëlqyer do jetë ky që vjen sipas tij. Videot të ndihmojnë në këtë rast sepse aty rras pamje për çfarë të duash. Duke ia lënë secilit të besojë nëse një përkufizim i tillë është i vërtetë apo jo, ne po e përcjellim videon me pyetjen se çfarë është kultura shqiptare sot? Ndoshta z. Rama na e shpjegon në kuadër të bilancit të premtimeve që bëri për Rilindjen e Shqipërisë.

Ish-ministrja e Kulturës Mirela Kumbaro e ka nisur e lumtur vitin 2020. Me një njoftim në Facebook, Kumbaro madje thotë se ky vit ka nisur mirë për mbarë shqiptarët sepse Ismail Kadare ka marrë titullin “Oficer i Madh i Legjionit të Nderit” në Francë.

Ka vetëm 250 të tilla sot në Francë

shkruan kjo zonjë që dikur bënte ministren në këtë vend.  Kaq është kuota në fakt. 

Erdhi Viti i Ri. Na është bërë hall. Nuk dihet se çfarë, por ndoshta forca e zakonit, të imponon regjimin festiv të ndërrimit të viteve sipasa ritualeve të një kohe që nuk ekziston më. Të një kohe ku darka familjare, tryeza, gatimet, punët e shtëpisë ishin pjesë e pandarë e atmosferës. Pa folur për kapuçët e stisur me karton, xhamat e stolisur me urime pambuku të ngjitura me vinovil apo pështymë dhe ndonjë tullumbace si dhuratë magjike. E fryj, e shfryj, e kuqe, e verdhë, jeshile. Me aromën karakteristike të llastikut.

Ej kujdes se mos e çan. E lije në bufe.

Sulmi i organizuar mbi ambasadën amerikane në Baghdad ka rihapur mundësinë e ndërhyrjes ushtarake amerikane në rajon, duke e vënë presidentin Donald Trump në kushte të favorshme politike tani që në Kongres kërkohet të ngrihet akuza ndaj tij. Dje media pranë tij, Fox News raportonte se pas sulmeve të mbështetura nga milici proiraniane, në Washington po diskutohej vendimi për dislokimin e 4000 trupave amerikane në Kuvajt, pjesë e divizionit të 82-të ajror.