Ushtria turke ka filluar të bombardojë pozicionet kurde në veri të Sirisë. Mediat raportojnë se ministria turke e mbrojtjes ka njoftuar përfundimin e të gjitha përgatitjeve për operacionin ushtarak në zonë.

Daily Sabah raporton se Njësitë e Mbrojtjes Popullore (YPG) bombarduan zonat e Malikiyah pa dhënë detaje të tjera. Stacioni televiziv Al-Haddad raportoi për sulme ajrore në një zonë afër kufirit Siri-Irak ku shkatërruan dy ura.

Përfaqësuesi i ri i bashkimit Europian për Politikën e Jashtme, Joseph Borrell ka deklaruar në Komitetin e Parlamentit Europian për Çështjet e Jashtme se marrëveshja mes Kosovës dhe Serbisë duhet arritur sa më shpejt. Për këtë arsye ai ka premtuar se do të angazhohet personalisht dhe se vizitën e parë jashtë do ta zhvillojë në Prishtinë, pasi siç tha “Serbinë tashmë e njoh mirë”.  

Presidenti turk, Reccep Tayyip Erdogan ka njoftuar dje gjatë një konference për shtyp me homologun serb, Aleksandër Vuçiç se në Novi Pazar është rënë dakord të hapet një konsullatë e përgjithshme turke.

Sot ne po ndërmarrim një tjetër hap historik brenda kontekstit të marrëdhënieve tona dypalëshe. Serbia i është përgjigjur pozitivisht kërkesës së Turqisë për hapjen e një konsullate të Përgjithshme në Novi Pazar

tha Erdogan që ndohet për një vizitë në Serbi.

Deklaratat e bëra nga kryeministri Rama dhe mëkëmbësi i tij Braçe për prokurorin e Durrësit Arjan Ndoja, kanë ngjallur reagimin e Këshillit të Lartë të Prokurorisë. Ky institucion vëren se deklarimet e të tilla mund të paragjykojnë ecurinë dhe përfundimin e një procesi gjyqësor në vijim.

Kreshnik Spahiu, një analist fantazmagorik që dikur ishte në Këshillin e Lartë të Drejtësisë dhe pak më pas Dikurit, edhe kryetar i një partie nacionaliste si Aleanca Kuq e Zi, është përpjekur të likujdojë sot me një shkrim opsionet e Lulzim Bashës dhe Monika Kryemadhit si njerëz të ndryshimit. Boja patjetër që ka shkuar kot në këtë rast, pasi askush, ose thuajse askush nuk pret që këta të dy të sjellin ndonjë ndryshim.

Shtetet e Bashkuara të Amerikës kanë deklaruar tërheqjen nga Siria, për ta shkëmbyer këtë veprim me partneritetin me Turqinë e Erdoganit. Të dy presidentët respektivë, Donald Trump dhe ai turk, Reccep Tayyip Erdogan kanë folur rreth kësaj marrëveshjeje që i leverdis të dyja vendeve dhe synimeve të tyre për sigurinë.

Fituesi i zgjedhjeve parlamentare në Kosovë, Albin Kurti , ka deklaruar për gazetën austriake “Standard” se në krye të qeverisë së re ai do të heqë taksën 100% për mallrat serbe. Kurti ka shtuar se ai do ta zëvendësojë taksën me reciprocitetin në raport me Serbinë.

Komiteti për Nobelin u kanë dhënë katër shkencëtarëve çmimin për mjekësinë këtë vit, që janë marrë me kërkimet mbi hipoksinë. William Kaelin Jr nga Universiteti i Harvardit, Peter Ratcliffe nga Oxford, Francis Crick i Institutit në Londër si dhe Gregg Semenza nga universiteti “John Hopkins” u vlerësuan për kërkimin e tyre mbi mënyrën sesi qelizat e trupti të njeriut i përgjijen dhe adaptohen ndaj niveleve të ndryshme të oksigjenit.

Zgjedhjet e parakohshme në Kosovë kanë prodhuar tashmë rotacionin politik. Drejtuesi politik i Partisë Demokratike, Kadri Veseli citohet nga mediat të ketë pranuar humbjen dhe kalimin në opozitë. Sipas rezultateve të deritanishme të përcjella zyrtarisht nga Komisioni Qendror i Zgjedhjeve i Kosovës, në krye qëndron koalicioni i Lëvizjes Demokratike të Kosovës me Lëvizjen e Vetëvendosjes, respektivisht me 24.97% dhe 26.05% të votave, regjistruar në zgjedhje si parti më vete, por që aktualisht janë opsioni më i mundshëm për qeverisje.