Presidenti i Serbisë, Aleksander Vuçiç e ka cilësuar ditën e sotme si të veçantë për vendin e tij. Dhe me gjasë kjo do të jetë një ditë e veçantë edhe për rajonin në kushtet kur çdo individ tanimë orientohet nga kërkesa për mirëqenie dhe punë. Vuçiç ka njoftuar firmosjen e një marrëveshjeje me kompanianë Stellantis për prodhimin e makinave elektrike në Serbi, proces që do të nisë në vitin 2024.

Bashkimi Europian ka prezantuar një paketë të re masash ligjore për lehtësimin e migracionit legal, pas krizës së fundit ukrainase. Komisionerja e BE-së për Çështjet e Brendshme, Ylva Johanosson ka nënvizuar shifrat e migracionit legal në Europë duke paralajmëruar se tanimë ka disa sektorë që kanë nevojë për krah pune dhe profesionistë.

Ministri turk i Mbrojtjes, Hulusi Akar ka deklaruar se Turqia shpreson në një takim të afërt mes presidentit rus, Vladimir Putin dhe atij ukrainas, Volodymyr Zelenskiy. Komentet Akar i bëri pas takimit konsultativ të Perëndimit në bazën amerikane të Ramstein në Gjermani. 

Ne shpresojmë se pavarësisht vështirësive, të dy liderët do të jenë në gjendje të takohen në ditët e ardhshme falë propozimeve të presidentit tonë Erdogan

është shprehur Akar. 

Shetetet e Bashkuara të Amerikës nuk përjashtojnë një ndërhyrje ushtarake në ishujt Solomon në Paqësor, nëse Kina vendos krijimin e bazave aty. Gazeta “The Guardian” citon një “nga zyrtarët më të lartë të SHBA në Paqësor” i cili nuk e ka përjashtuar këtë opsion. Ambasadori Daniel Kritenbrink, ndihmës sekretar për Azinë Lindore dhe Çështjet e Paqësorit ka thënë se një ekip amerikan ka zhvilluar një takim “kontruktiv dhe të këndshëm” me kryeministrin Manasseh Sogavare me të cilin janë ndarë shqetësimet e palës amerikane.

Mininstri i Jashtëm i Rusisë, Sergey Lavrov, e ka cilësuar si krucial për njerëzimin momentin e tanishëm historik. Në një takim me sekretarin e Përgjithshëm të Orgamizatës së Kombeve të Bashkuara, Antonio Guterres, Lavrov ka vënë në dukje se negociatat me Ukrainën nuk mund të kenë sukses përderisa perëndimi vijon të armatosë këtë vend.

Revista “Monitor” raporton sot se vlera e transaksioneve për pronat gjatë vitit 2021 arrit në shifrën e 250 milonë eurove, përllogaritur kjo përmes deklarimit të Tatimit mbi të Ardhurat Personale. Sipas revistës, TAP i arkëtuar për vitin që lamë pas ishte 26% më e lartë sesa ajo e vitit 2020, duke provuar kështu se prona dhe ndërtimi mbeten investimi kryesor në vend.

Nëse ka një mbiemër të përshtatshëm për të përshkruar personalitetin e njeriut më të pasur në botë, ai nuk mund të jetë tjetër përveçse “i "paparashikueshëm". Miliarderi Elon Musk është i pakapshëm dhe i pakuptueshëm, shpesh merr vendime të çuditshme dhe hapur kundër rrymës, dhe për këtë arsye nuk është e lehtë të imagjinohet se si do ta ndryshojë Twitter-it tani që e ka blerë për 44 miliardë dollarë.

Huawei çeli dje Samitin Global të Analistëve, ku prezantoi qasjen ndaj novacionit dhe ndërtimit të një bote inteligjente e të gjelbër. Samiti mblodhi analistë të industrisë, analistë financiarë, drejtues kryesorë të opinionit dhe përfaqësues të mediave nga e gjithë bota për të mësuar më shumë rreth tendencave të industrisë së ardhshme dhe strategjisë së zhvillimit të Huawei. Ky event do të mbahet për të 19-in vit radhazi nga data 26 deri në datën 27 prill duke përfshirë një gamë të gjerë seancash për aspekte të ndryshme të biznesit të Huawei. 

Nja dy ditë më parë, analisti Lorenc Vangjeli, paralajmëroi se ka të dhëna se për Berishën apo Bashën ka ardhur një dosje në SPAK. Zoti Vangjeli duhet thënë që ka përherë indicie, njësoj si gazetarë të caktuar të kronikës që kanë indicie për vrasje që do ndodhin dhe nuk ndodhin, për mëngjarashë dhe djathtoshë në qarkullim, përherë e më shumë të entuziazmuar nga mënyra sesi zgjidhin çdo enigmë në këtë vend.

Në SPAK paska ardhur bazmataja. Ne mund të pyesim pa të keq, po pse erdhi tani kjo dosje, kur vetë Berisha ka muaj që e kërkon? 

Shtetet e Bashkuara të Amerikës kanë organizuar dhe drejtuar sot një konferencë me 40 vende të ndryshme me synim armatosjen e Ukrainës. Konferenca është zhvilluar në bazën ajrore amerikane të Ramstein në Gjermani, një sinjal ky që tregon ndryshime të mëdha në mjedisin e sigurisë në kontinent. Sekretari amerikan i Mbrojtjes, Lloyd Austin ka deklaruar se synimi është që të ndihmohet Ukraina të fitojë kundër një invazioni të padrejtë të Rusisë. Por edhe për të mundësuar që Ukraina të ndërtojë një mbrojtje efektive për të nesërmen.