West Balkan Six – G6, Shqipëria kundër, dyshime mbi një plan për një “Jugosllavi të re”!?

Një asamble parlamentare e përbashkët, një treg i përbashkët ekonomik, një sistem i edukimit dhe arsimimit, bashkëpunime në shumë fusha tjera, përfshirë edhe luftën kundër korrupsionit dhe krimit të organizuar, është plani i nismës për gjashtë shtetet e Ballkanit Perëndimor, e quajtur West Balkan Six – G6 (Gjashtëshja e Ballkanit Perëndimor). Ky është popozimi i hedhur nga ministri i Punëve të Jashtme të Republikës së Malit të Zi, Igor Llukshiq dhe  i mbështetur nga komisionari për zgjerim, Stefan Fyle Këtë. Në dokument-strategjinë e bashkimit të Shqipërisë, Bosnjës e Hercegovinës, Malit të Zi, Kosovësë, Maqedonisë dhe Serbisë, që ka siguruar gazeta “Zëri” në Kosovë, synohet integrimi i përbashkët në Bashkimin Evropian.

Për këtë nismë madhore, përmes së cilës synohet të përcaktohet perspektiva e ardhshme e Kosovës dhe e shteteve rajonale do të takohen sot në New York, ministrat e jashtëm të këtyre gjashtë shteteve në mesin e tyre edhe ministri Enver Hoxhaj, për të vendosur përfundimisht se a do të gjejë mbështetjen definitive.

Burimet tregojnë se Sllovenia tashmë ka hequr dorë, ndërsa Kroacia ka dyshime. E rreziku, sipas Kosovës, është se nëse edhe Kroacia heq dorë, dominimin e kësaj nisme ka për ta marrë Serbia, një ide e fshehtë për të paraqitur krijimin e një Jugosllavie të re, ku Serbia do jetë dominuesja, e tre shteteve të tjera: Shqipërisë, Kosovës dhe Mali të Zi, të cilët do të jenë si Benelux pan-shqiptar.

Megjithatë, siç thuhet, është shpejt të dilet në përfundime të tilla, thotë “Zëri”

Më tepër: http://www.zeri.info/artikulli/15790/plani-per-jugosllavine-e-re

Zh.