baradar

Kreu politik i Talibanit, Mullahu Abdul Ghani Baradar ka dhënë një intervistë së fundmi përmes së cilës ka përcjellë disa mesazhe edhe për Perëndimin dhe opinionin perëndimor. Sipas tij femrat dhe pakicat do të trajtohen sipas interpretimit të Sheriatit, ndërkohë që Afganistani nuk do të jetë më parajsa e terroristëve që kryejnë sulme jashtë. Sa i përket tërheqjes së trupave amerikane nga Afganistani Baradar ka cilësuar se "kjo lëvizje është në interesin më të mirë të popullit amerikan".

Media të ndryshme raportojnë mbërritjen në Kabul të bashkëthemeluesit të lëvizjes talebane, Mullah Abdul Ghani Baradar. Sipas të dhënave në fjalë, Baradar ka nisur diskutimet me faktorë të ndryshëm politikë në vend për krijimin e një qeverie që po cilësohet si “përfshirëse”, një cilësim që po theksohet si dallim me qeverisjen e vieve 1996-2001.