Ilir Hoxha intervistë te “Dita”: “Enver Hoxha ishte kundër ndalimit të fesë në Kosovë”

Ilir Hoxha, një nga dy djemtë e Enver Hoxhës, ka dhënë një intervistë të gjatë për gazetën “Dita” e cila kalon nëpër të gjitha etapat e jetës poitike të ish-Diktatorit shqiptar. Një nga çështjet me më shumë interes është qëndrimi ndaj Kosovës, apo më saktë mendimi i vërtetë i Enver Hoxhës për Kosovën. Pra Enver Hoxha si nacionalist. Është e natyrshme që intervista dominohet nga aspekti formal; Ilir Hoxha konfirmon pikë për pikë atë profil të Enver Hoxhës që njohim edhe përmes qëndrimeve publike. Me shumë interes është një “detaj” lidhur me mendimin e Enver Hoxhës për fenë, qëndrimet ndaj monumenteve dhe sesi mendohej që të veprohej ndaj fesë në Kosovë. “Po të tregoj, Xhevdet, edhe një detaj tjetër domethënës për këtë argument. Enver Hoxha atёherё dha dhe njё orientim qё tё gjitha ndёrtesat e kultit qё kishin vlera monumentale tё viheshin nё mbrojtje tё shtetit. Eshtё interesante se kur e pyetёn: po nё Kosovё si duhej tё vepronin me fenё, ai nuk ishte dakord qё feja tё ndalej. Ai u tha: ‘’nё kushtet e Kosovёs, kur populli ёshtё nёn diktatin serb, objektet e kultit shёrbejnё si vende ku mund tё mblidhen dhe tё flasin pёr ҫёshtjen kombёare. Pra, Enver Hoxha nuk ishte dogmatik, ai ҫdo gjё e shihte nё interes tё prosperitetit kombёtar”, shprehet Ilir Hoxha.

s.z

Më shumë në: http://gazetadita.al/enveri-priti-nje-sinjal-nga-perendimi-q...