Vetë/Vrasja e Mehmet Shehut e pregatitur në Zelandë? Kush ishte mjeku misterioz i i elitës komuniste që e vizitoi dëshmitarin?

Auron Tare ka disa kohë që gërmon në dokumentet e deklasifikuara të para-ardhëses së CIA-s. Nga studimi i tyre, rezulton se Shehu nuk ka qenë i rekrutuar, të paktën jo gjatë luftës. Nëse Shehu mund të ketë bashkëpunuar me CIA-n amerikane pas viteve ‘50, këto dokumente janë ende të pa deklasifikuara. Mehmet Shehu është akuzuar (pas vdekjes) nga Hoxha se duhet të jetë rekrutuar nga Harry Fultz gjatë periudhës së studimit në Shkollën Teknike. Por, shkruan Tare ”historiografia komuniste, që i ka artikuluar këto akuza, nuk ka sqaruar se amerikanët deri në vitin 1941 nuk kanë pasur një shërbim të fshehtë që merrej me çështjet e politikës ndërkombëtare, operacione klandestine, rekrutime etj…” A ishte Mehmet Shehu një i rekrutuar i mundshëm i OSS? “Në dosjen personale të Harry Fultzit, e cila është tashmë e deklasifikuar, nuk ka asnjë dokument që të provojë se Fultz kishte lidhje me shërbimet e inteligjencës amerikane gjatë periudhës kur ai kryente rolin e drejtorit të Shkollës Teknike.” Tare argumenton se ka patur një përpjekje nga amerikanët për ta eleminuar Shehun e trainuar nga KGB, meqë ai ishte njeriu që po i thyente të tëra përpjekjet e tyre për të depërtuar në Shqipëri.

Por, dokumenti më interesant që Tare përshkruan në artikull, ka të bëjë me ditarin e një të infiltruari të Sigurimit në Zelandën e Re. Sipas tij, “gati tre muaj përpara “vetëvrasjes së Mehmet Shehut” në Zelandën e Re një celule e Sigurimit të Shtetit merr urdhër për të organizuar një vrasje politike në Shqipëri.” Bëhej fjalë për ët vrarë Shehun? Apo një tentativë për të vrarë Hoxhën? Por rrethana më interesante është ajo që shkruan Tare se dëshmitari, rrëfen se “njerëz të Sigurimit të Shtetit kanë tentuar ta helmojnë në ambientet e burgut ku qëndronte gjatë hetuesisë dhe për këtë arsye e zhvendosen në një hotel ku ruhej 24 orë. Mirëpo përpara transferimit të tij nga burgu, Bajramin e ka vizituar në dhomën e tij dy herë një mjek shumë i njohur në Tiranë. Bajrami thotë se mjeku erdhi me porosi të një rrethi të ngushtë sekret të elitës komuniste, e cila operonte jashtë strukturave të shërbimit sekret shqiptar”

Ja.Se.

I plotë tek Tema:

http://www.gazetatema.net/web/2013/01/12/cia-dhe-vetvrasja-e-mehmet-shehut/