Trojet shqiptare bashkohen më 2035?

Disa media amerikane dhe ruse kanë botuar një hartë studimore që pretendon bashkimin e Shqipërisë me Kosovën, pjesët të Maqedonisë, si dhe trevat shqiptare të Serbisë, Malit të Zi, etj., deri më 2035, njofton agjensia e lajmeve INA.
Harta është pregatitur bazuar në analiza dhe studime speciale të shërbimeve prestigjioze amerikane dhe ruse si CIA dhe GRU, por edhe nga burimet e rëndësishme të institucioneve ndërkombëtare që merren me studime gjeostrategjike, punimet e Zbignew Brzezinskit, Samuel Huntingtonit, etj.

Po pjesa tjetër e Europës?
Harta e përgatitur parashikon edhe ndarjen e Bosnjë-Hercegovinës ndërmjet Kroacisë dhe Serbisë.
Ndarjet e reja do ta tronditin edhe Evropën. Në Ishull, Skocia do të deklarojë pavarësinë pas referendumit në vitin 2013. Kjo do t’i japë shtysë për bashkimin e Irlandës. Baskia dhe Katalonia, si shtete të reja, do të deklarojnë pavarësinë nga Spanja, duke marrë edhe një pjesë të territorit francez. Kolapsi i multikulturalizmit do të fillojë në Francë. Në pamundësi për të asimiluar etnicitetet e ndryshme ish-koloniale, ajo do të duhet të përdorë masa për deportimin e tyre. Përqendrimi i lartë i grupeve islamike do të hapë një rrugë për një rritje të shtetit islam arab në jug të Francës. Lorena do të bashkohet me Gjermaninë, Nga Belgjika më në fund do të ndahet Flamania, e cila do të bashkohet me Holandën. Fat ndarjeje do të kalojë dhe Polonia, Rusia, ndërsa Bjellorusia do të zhduket si shtet dhe do të bëhet provincë e Rusisë që do të rrëmbejë pjesët lindore të Letonisë, Estonisë dhe Ukrainës por duke humbur Çeçeninë e Dagestanin.

ja.se.