Sipas Fyles, për statusin duhet dialog mazhorancë-opozitë

Ata që menduan se e futëm “në xhep” statusin e vendit kandidat me zgjedhjet e mira të 23 qershorit, komisioneri për Zgjerimin në BE, Stefan Fyle, i ka ulur me këmbë në tokë. “Suksesi në procesin e integrimit europian është i lidhur ngushtë me gjithëpërfshirjen dhe konsensusin. Prandaj, unë inkurajoj qeverinë e re që të punojë ngushtë me opozitën në parlament. Kjo, sepse, vetëm dialogu politik konstruktiv mund ta çojnë përpara vendin në rrugën e reformave”, ka thënë Fyle në një intervistë për Vizion Plus. Më pas ai ka shtuar se raporti i KE-së për Shqipërinë, që pritet të dalë në vjeshtë, do të marrë në konsideratë hapat e mëtejshme të ndërmarra nga qeveria shqiptare për të luftuar korrupsionin dhe krimin e organizuar. Me pak fjalë: Ka ende punë!

Re.Pu