Sa shumë e paska dashur Basha znj Clinton? Aq sa... t’i zërë pritë në aeroport!

Kryetari i Bashkisë së Tiranës, Lulëzim Basha është bërë objekt i një incidenti gati të rëndë në aeroportin e Rinasit, ndërkohë që Sekretarja Klinton po largohej nga Shqipëria. Pasi kishte dështuar të futej në protokollin e takimeve përmes ndërtimit të një busti të Uillson në Tiranë, ai ka sajuar një udhëtim në Rinas në sallën e VIP-ave, duke shpresuar se do t’ia dilte t’i jepte dorën Sekretares Klinton, shkruan Tema.

Rojet amerikanë të sigurisë e kanë bllokuar atë para se të hyjë në holl dhe incidenti mund të përshkallëzohej nëse Basha nuk do ta kuptonte agravimin e situatës dhe ndoshta përdorimin e dhunës mbi të.

Një burim nga aeroporti i Rinasit tha se pas kësaj një zyrtar i lartë i policisë shqiptare ka kërkuar të fshihet skena nga kamerat e sigurisë së aeroportit, urdhër i cili nuk është zbatuar.

Lajmi mund të ketë nevojë për t’u gërmuar ca më thellë, edhe pse të ikën dëshira kur fundi zyrtar dihet: është montazh.

k.c.