Një dritëzë (e rastësishme) mbi realitetin e shoqatave të grave

Sot, disa gazeta (Tema, Shqiptarja.com dhe Panorama) kanë sjellë në vëmëndje një ngjarje thuajse banale – sherrin mes një drejtueseje të një shoqate grash (Sevim Arbana, majtas në foto) dhe atë të një punonjëseje të saj (Manjola Stefani, djathtas në foto).

Ngjarja, mori përmasa, sepse 2 gratë kanë akuzuar njëra-tjetrën për dhunë, ndërsa janë një shoqatë që supozohet të mbrojë gratë nga dhuna (Në Dobi të Gruas Shqiptare).

Reagimi i Znj. Arbana ka qenë mjaft agresiv, dhe sipas Temës ka thënë:

“Autorja e shkrimit është një person që lufton me gjithë mjetet e duhura Sevim Arbanën përmes; shpifjeve, shantazheve, peticioneve, deklaratave. Kur nuk ja doli, përdori aktin e fundit; median që e zotëron me dy personat e saj të afërt. Këto janë thjesht baltosje, të një media të paguar e të shpifur, që nga klanet e saj ajo pranon ta bëjë të bardhën të zezë e të zezën të bardhë”.

Më tej, Arbana sulmon autoret e shkrimeve (që kanë rastisur femra) duke thënë:

“Përsa i përket profesionalizmit në fletushkat tuaja të pashitura, e pakta që mund të bënit, të shkonit në prokurori për të marrë deklarimet”, vazhdon ajo, duke sqaruar se me punën e saj ka ndryshuar jetën e 5 mijë njerëzve dhe mijëra gra të tjera janë marrë nën trajtimin e stafit të saj. Shoqata “Në Dobi...” ka fituar qindra projekte në këto 20 vjet ekzistencë.

 “E adhuroj median kur thotë të vërtetën e jo kur pështyn. Do doja të merresha me ju, po s’ia vlen në këtë vend të ndyrë, kur njerëz si ju e shumë të tjerë, nxijnë dhe atë që ndriçon,” thotë më tej Arbana.

k.c.

Shkrimi mbi ngjarjen këtu:

http://www.panorama.com.al/2013/07/17/perplasje-ne-shoqaten-qe-mbron-grate-punonjesja-sevim-arbana-me-dhunoi-fizikisht-ne-zyren-e-saj/

Këtu:

http://www.shqiptarja.com/home/1/arbanae-verteta-e-sherrit-ne-shoqate-me-hodhi-goten-ne-fytyre-167645.html

Dhe këtu:

http://www.gazetatema.net/web/2013/07/16/marrin-para-per-te-mbrojtur-grate-e-dhunuara-kacafyten-vete-drejtueset-e-shoqatave-te-grave/

Reagimi i Sevim Arbanës këtu:

http://www.gazetatema.net/web/2013/07/17/sevim-arbana-ky-eshte-nje-vend-i-ndyre-ju-jeni-nje-fletushke-e-paguar-qe-baltos-nje-fanar-ndricues/