Ngjela shpjegon se pse Berisha vuan nga sindromi i Gjergj Elez Alisë

“Berisha vuan nga sindromi i Gjergj Elez Alisë”, deklaron gjysmë me të qeshur e gjysmë me të ngjeshur avokat Ngjela. Gjysma “me të qeshur” mund të thuhet ngaqë batuta u lëshua gjatë emisionit fiks Fare, ku avokati ishte i ftuar. Por, argumentimi i tij është mjaft serioz.

“Është hera e parë [që del vetëm nëpër fushata], por unë e njoh, tani e ka kapur sindromi me sa shoh unë, se nuk i flet as dhe një njeriu, nuk takohet me njeri, me stafin fare vetëm sa i ka marrë si kukulla mbrapa, flet të njëjtat gjëra.  Po ka marrë shumë fuqi përpara, e ka kapur sindroma e Gjergj Elez Alisë. (me të qeshur) Mendon se do ta nxjerrë vetë lojën. Po e projekton ai [Bajlozin], Bajlozi, ne opozita! Ai tani dhe në darkë i flet gruas, vajzës, i lajnë plagët ato... njësoj, njësoj... të nesërmen merr topuzin, ai ësëht në sindromën e Gjergj Elez Alisë, do ta fitojë apo jo, nuk e di. Po unë them që nuk ka për ta fituar...” u thotë Ngjela Saimirit dhe Doktorit.

Më pas, shton se mes Gjergj Kastriotit dhe Gjergj Elez Alisë, ai di për përrallë Kastriotin dhe për të vërtetë Gjergj Elez Alinë!

k.c.