LIVE: Berisha në Berat, çudirat që thotë e premton s’kanë të sosur!
Pasi u hap me një këngë të vjetër të AC-DC, Thunderstrike, Berisha u shfaq në foltore para pjesëmarrësve në përkujtimin e themelimit të degës së PD në Berat, transmetuar live, si të ishte hapje olimpiade, nga TV-të e Tiranës.
Pasi foli për PD-në me të njëjtat terma që flitej dhe për PPSh-në vaftit, si “Partia që ju solli lirinë”, “Partia që ndryshoi epokat”, etj, e konsideroi datën e themelimit të PD si “një datë e shndritshme në historinë e Beratit” (!!) (Bëhet fjalë për një nga qytetet me histori 2mijë e ca vjeçare.)
Më tej Berisha përfitoi të sulmojë Edi Ramën:
“Je i vetmi në politikën europiane që bllokon integrimin!”
Bredh nëpër spitale, ndërsa u pengon mijëra e mijëra shqiptarëve të marrin shërbimet më të mira...(??)
Nga ana ekonomike, pasi qau hallin e Europës, këmbënguli se vetëm Shqipëria e nuk e njeh recesionin, “s’mbetëm asnjë ditë në recesion” (a thua se recesioni matet me ditë!!), pa harruar të rikujtojë një nga hitet e tij: “Ruajtëm rritje më të lartë ekonomike në Europë”
Pasi tha, “Jemi vend me të ardhura të mesme të larta” u bëri thirrje beratasve: “keni pasur vështirësi, dhe prapë do të keni...”
Dhe në fund, ëmbëlsira: “Bëmë gjithçka për të luftuar korrupsionin”
Pasi rreshtoi një sërë shifrash që më shumë se logjikë sqaruese dukej se kishin efektin e bombardimit me terma përqindjesh e miliarda dollarë investimesh, Kryeministri tha:
Njohëm bumin më të madh që mund të ketë njohur ndonjë vend... nga 300 mijë turistë në 4 milionë!!
Pra, i bie që ne kemi pritur gjysmën e Greqisë në Shqipëri???
Dhe qershia mbi tortë, Berisha premton: “Së shpejti, rrjeti rrugor më i mirë në Europë”
Fjalimi i Kryetarit të PD në Berat, vazhdon live dhe tani... Entertainment is guaranteed!
k. c.
Comments
Gjithnje e me shume po i
<p>Gjithnje e me shume po i rendohet gjendja shendetesore, pasi ajo morale ka kohe qe i ka rene per toke.</p>
Add new comment