Koalicionet - kooperativat e bashkuara shqiptare – lajmi më i keq për shqiptarët!

Mentor Kikia, në një shkrim te G.Sh. i quan koalicionet e reja, “kooperativat e bashkuara shqiptare” sipas Kikisë, “Nuk ka patur shprehje më domethënëse në politikën shqiptare se ajo e stisur prej këshilltarëve mediatikë të kryetarit të opozitës, të cilët duket se janë edhe më të zellshëm se vetë Rama që ky të vijë në pushtet: ‘Të bashkohen të gjithë, edhe qelbësirat e Shqipërisë, vetëm të rrëzojmë Sali Berishën nga pushteti’.”

Por,  a duhet të justifikojë nevoja për të larguar Berishën nga pushteti, “e aforfe edhe nga skena politike ku “këndon” bindshëm prej 22 vjetësh” që aty të bashkohet kushdo, i majtë e i djathtë, i pastër e i pisët? Kikia nënvizon faktin që PS është gati të bëjë aleancë edhe me LSI-në, “partinë që e refuzoi më përbuzje katër vjet më parë kur Rama mendonte se i kishte të gjitha në dorë, partinë që më pas e mbështeti pas murit dhe e pështyu për vite me radhë dhe ku mllefi i bashkëqeverisjes me Berishën bashkohej me episodet e njëpasnjëshme korruptive, që prodhon seksioni qeveritar i LSI-së. LSI ishte për Partinë Socialiste shëmbëlltyra e korrupsionit, ishte motivi i ndërmarrjes së lëvizjes më të fortë e më tragjike të një opozite që nga 1997-ta, siç ishte protesta e 21 janarit”. Ftesa për t’u bashkuar në një qeverisje të re e të pakorruptuar, për Ilir Metën e korruptuar, edhe sipas opozitës, na bën të besojmë se “Metën e futi në rrugë të keqe Sali Berisha dhe tashmë Rama do ta udhëheqë drejt rrugës së mbarë”.

“Me pak fjalë, koalicioni i majtë nuk ka asnjë lidhje me ideologjinë e majtë, as me programet (edhe pse askush nuk ka ende një program të qartë deri tani), por vetëm me një qëllim; largimin e Sali Berishës,” shkruan Kikia.

Ky është një zhvillim i frikshëm e regresiv në politikën shqiptare, për Kikinë.

“Këto lloj kooperativash politike, sa kanë qëllim marrjen ose mbajtjen e pushtetit, po formësohen si skuadrilje të drejtuara nga dy kryetarët posaçërisht kundër njëri-tjetrit.”

k.c.

I plotë:

http://www.balkanweb.com/analiza/2689/kooperativat-e-bashkuara-te-politikes-shqiptare-116447.html

në foto: torta popullore, pasqyrë e tortës së pushtetit