John Withers: Në 23 qershor merret vesh nëse doni të jetoni në demokraci, apo të rrëshqisni në diktaturë

Ish ambasadori John Withers sapo ka dhënë një intervistë për Zërin e Amerikës (për gazetarin Arben Xhixho), dhe në këtë intervistë ka ripërsëritur, madje më fort, mesazhet që ka përcjellë dhe herë të tjera. Duket sikur ka dalë ta japë këtë intervistë për të balancuar në një farë mënyre mesazhet ‘neutrale’ të zyrtarit të Departamentit amerikan, Jonathan Moore, dhe për t’iu bërë krah pasardhësit të tij në Tiranë, Alexandër Arvizu-së.  Ja disa nënvizime të tij:

-Rregullat nuk mund të ndryshohen në mes të lojës; edhe fëmijët e shkollës e dinë këtë, rregullat e lojës nuk ndryshohen kur ajo ka filluar, thjesht për të siguruar përfitim partiak.

-[Lidhur me mospërputhjet mes Ambasadës në Tiranë dhe qëndrimeve të zyrtarëve të DASH-it, unë do të thoja se] ajo që ka rëndësi është se Ambasadori Arvizu flet për Presidentin e Shteteve të Bashkuara. Ai është përfaqësuesi zyrtar i tij. Pra për çdo sqarim, ai është personi që duhet pyetur.  Dhe ai do t’ju tregojë të vërtetën. Ambasadorët amerikanë thonë të vërtetën.

-Në një kuptim më të gjerë, nuk ka rëndësi mendimi i Jonathan ër pëMoore-it, ose i të huajve të tjerë. Shqiptarët vetë e dinë të vërtetën. Ata e dinë çfarë ndodh. Duke e ditur këtë të vërtetë ata duhet ta kthejnë mendimin e tyre në votë. Duhet të shohin situatën në terren.

-Këto zgjedhje do të përcaktojnë në se e ardhmja e Shqipërisë do të jetë demokraci, apo në se vendi do të rrëshqasë pas në diktaturë. Shqiptarët duhet të shohin tek vetvetja dhe jo të përpiqen të shohin se çfarë është në mendjen e burokratëve të Departamentit të Shtetit dhe të votojnë sipas asaj që besojnë, që për mua është të votojnë për ndryshimin.  

–Ej, etj.

Intervistën e plotë mund ta ndiqni në linkun http://www.zeriamerikes.com/content/amb-withers-shqiperi-albania-voa-ditari-zgjedhje/1672183.html

Re.Pu.