Erë e majtë po fryn… Në Çeki, kandidati i majtë fiton raundin e parë të presidencialeve!

Rezultatet zyrtare të zgjedhjeve tregojnë se kryeministri i majtë i Republikës Çeke, Milos Zeman ka fituar me 1 të 4 e votave raundin e parë të zgjedhjeve të drejtpërdrejta presidenciale, njofton Zëri i Amerikës. Z. Zeman, do të ndeshë në konkurencë të fortë në raundin e dytë për të zëvendësuar presidentin euro skeptik, Vaclav Klaus. 
Kjo ishte hera e parë që një president çek zgjidhet me vota popullore që nga ndarja e Çekosllovakisë  në Sllovaki dhe Republikën Çeke në vitin 1993. Në të kaluarën, presidenti zgjidhej nga parlamenti i vendit.
Ish kryeministri mund të presë një sfidë të madhe nga ministri i Jashtëm pro evropian, 75-vjeçari Karl Schwarzenberg, i cili doli i dyti me 23 përqind të votave.
Rezultatet janë më të dobëta për ish kryeministrin Jan Fisher. Biri i një të mbijetuari të Holokaustit donte të bëhej presidenti i parë hebre i zgjedhur drejtpërdrejt në Evropë.
Një tjetër kandidat, kompozitori i operës, piktori dhe profesori i arteve skenike, Vladimir Franz, nuk arriti të marrë pjesë në raundin e dytë.
Megjithëse me një rol kryesisht ceremonial, presidenti ushtron ndikimin e tij politik në një kohë kur Republika Çeke përpiqet të kapërcejë rënin ekonomike dhe një nivel papunësie prej më shumë se nëntë përqind.

Duket se kriza ka bërë që erërat e majta të fryjnë në Evropë. A do të ndjekë Shqipëria të njëjtin fat? Pyetja se “sa i majtë duhet të jesh për të fituar në Shqipëri” duket se ende nuk shtrohet para elektoratit shqiptar.

k.c.