Dritan Prifti: Meta mund të kthehet “brenda ditës” te Berisha. Votat e mia, do t’i ruajë Gramoz Ruçi.

Dritan Prifti, i ftuar në “Tonight” të Ilva Tares, ka riakuzuar Ilir Metën se u bë “sebep” që të mos ishte kandidat i PS-së. Si thotë se ka fakte që Meta ka kushtëzuar hyrjen në koalicion me mos-kandidimin  e tij në listat e PS. Më tej, ai dhe ka aluduar se bashkëpunimi i zotit Meta me Edi Ramën është i përkohshëm pasi Ilir Meta do të bashkohet sërish pas zgjedhjeve me Sali Berishën.

Ai përjashton për veten e tij një aleancë të mundshme me Sali Berishën pasi me të e ndajnë viktimat e 21 janarit.

Prifti për....

....marrëdhëniet me Metën:

“Kanë qenë dy takime me zotin Meta. Ka qenë një bisedë që nuk ka parë nga prapa, nuk kemi diskutuar histori të të shkuarës. As ka kërkuar falje dhe as kam kërkuar falje. Në fakt unë e besova që zoti Meta dhe donte një lloj normalizimi të marrëdhënieve dhe as unë s’kisha asnjë interes që të vazhdoja luftën me të. Tani marrëdhëniet nuk janë më normale në momentin që ai vuri kusht që unë nuk do të isha pjesë e kandidimit brenda Partisë Socialiste. Zoti Meta gënjen që nuk ka ndërhyrë tek partitë e vogla sepse unë kam fakte dhe prova, më është pohuar vetë nga liderët e PS, që vendimi i tyre është marrë për shkak të kushtit që ka vënë zoti Meta. Me këtë ai tregon që nuk dëshiron një marrëdhënie normale me mua. Tregon që më sheh si armikun e tij dhe në këto kushte edhe unë e shoh në të njëjtën mënyrë. Me zotin Meta unë nuk do të bashkëpunoj asnjëherë politikisht. Do të përpiqem ta përdor mandatin tim të ardhshëm për të mos lejuar vazhdimësinë e tij në qeverisje.

... a ka video të tjera:

Unë këtë pjesë brenda vetes time e kam përfundimisht të mbyllur. Por unë jam politikan nga ata që gjithmonë e mban një as nën mëngë dhe duke patur parasysh sesi vjen e ardhmja, kurrë mos thuaj kurrë. 

... votat e 23 qershorit:

Garancinë për ruajtjen e tyre e kam te Gramoz Ruci më ka garantuar se nuk do të preken votat e mia, kam një lidhje të vjetër familjare me të dhe besoj se do mi mbrojë votat PS. Mandati im do ta sjellë në pushtet koalicionin e majtë.

k.c.

Intervista e plotë:

http://www.oranews.tv/vendi/prifti-meta-me-la-jashte-listave-te-ps-do-ta-perdor-mandatin-per-nxjerre-jashte-qeverisjes/