Bernd Fisher: Berisha lufton për një mandat të tretë që t’i shpëtojë arrestimit

Studiuesi, profesori, analist i njohur i historisë dhe çështjes shqiptare, amerikani Bernd Fisher, ka dhënë një intervistë ekskluzive për DITA-n sot, ku thotë se Berisha nuk ka arsye për të kërkuar një mandat të tretë, përveçse nga frika e arrestimit. “Motivimi i Z. Berisha është që të mbesë në pushtet për aq kohë sa ai mundet. Ai gjithashtu mund të frikësohet nga arrestimi nëse humbet pushtetin. Unë mendoj gjithashtu se ai e sheh interesin e vet si interes shtetëror – pra, çfarë është e mirë për zotin Berisha, është e mirë për Shqipërinë”, thotë Fisher.

Ai e krahason Shqipërinë me Ukraninën dhe Venezuelën, sepse “termi “autoritarizëm demokratik” është më i sakti që e përshkruan sistemin e sotëm politik në Shqipëri. Por ndërkohë mendoj se ka sigurisht edhe shumë dallime që mund të gjenden në shtete si Venezuela dhe Ukraina. Në fakt ky është një sistem demokratik në formë, por është jo demokratik në përmbajtje. Zhvillohen zgjedhje, por ato nuk janë të lira dhe të ndershme. Nuk janë partitë politike, por një parti që mbizotëron për një periudhë të gjatë. Ka një kushtetutë që ndan pushtetet, por dokumenti shfrytëzohet vetëm kur ai u shkon për shtat dhe pushteti është i centralizuar në çdo rast....”

Sa për vizat, ai shprehet se do të ishte shumë i habitur në qoftë se Departamenti Amerikan i Shtetit do t’ia bënte këtë dhuratë të vlefshme Z. Berisha me rastin e zgjedhjeve. “Unë them se ky është thjesht një premtim zgjedhor që zoti Berisha, nëse rizgjidhet, nuk do të jetë në gjendje të mbajë., thotë Fisher”

k.c.

e plotë:

http://gazetadita.al/30-maj-2013/