Avokati i Bashkisë jep dorëheqje për të mbështetur Bashën, flet për demokracinë e brendshme në PD

MAPO raporton sot për dorëheqjen e Avokatit të Bashkisë, që vlerën për t’u bërë lajm e merr te fakti se kjo dorëheqje u bë për të respektuar kodin etik të votimeve në PD, sipas kërkesës së Kryeministrit.

Vlen për t’u nënvizuar besimi i avokatit Ervin Salianji tek PD ku kjo garë është “manifest i demokracisë së brendshme” dhe ku “çdo anëtar partie është pjesë, ka aksionet e tij në këtë orë të transformimit”

Prononcimi i dorëheqjes:

”Sot kam marrë një vendim që nuk ka qenë aspak i lehtë për mua. Kam dhënë dorëheqjen nga detyra e Avokatit të qytetit. Prej dy vitesh drejtoj këtë zyrë në Bashkinë e Tiranës, dhe kam pasur privilegjin t’u shërbej në mënyrë të drejtpërdrejtë banorëve e komunitetit, duke shqyrtuar mijëra kërkesa e duke dëgjuar çdo ditë dhjetëra qytetarë nga afër. Një përvojë e çmuar kjo për mua dhe unike kur sheh se je i dobishëm e kur ndihmon këdo që ka një shqetësim, një ankesë. Unë kam vendosur të mbështes kandidaturën e z.Basha në garën për kryetar të PD-së, dhe nuk e gjykoj të ndershme që ta bëj këtë duke mbajtur një post publik”

“Gara në PD është një moment kulminant politik, një manifest i demokracisë së brendshme, ku çdo anëtar partie është pjesë, ka aksionet e tij në këtë orë të transformimit. Duke qenë kështu, them se secili duhet të japë shembullin e tij të aksionit të ndershëm dhe etik”

k.c.