“Fatali” Dule. PBDNj humbet gjithçka, dështon me çdo kandidim. Ngrihet partia e re e minoritetit, MEGA

Partia Demokratike? Aspak. Humbësi absolut i këtyre zgjedhjeve lokale është Vangjel Dule. PBDNJ ka humbur në të gjitha bashkitë ku ka kandiduar duke shënuar edhe rezultatin më të keq që nga nga krijimi i saj në vitin 1991. Forca e re e minoritetit grek, MEGA, ja ka dalë të fitojë në Finiq, përmes kandidatit Leonidha Hristo, i cili garonte me kundërshtarin brenda minoritetit, kandidatin e PBDNJ Jani Babi të ndihmuar nga PD dhe LSI. MEGA u mbështet nga PS dhe deputeti Andrea Marto denoncoi për një kërcënim nga vëllai i kandidatit Babi. Në Dropull fiton Arqilea Deçka, përfaqësues i koalicionit të djathtë, në Konispol PBDNJ është renditur e treta me 20%, ndërsa në Himarë ka fituar kandidati i majtë Jorgo Goro, ndërsa Fredi Beleri i kandiduar nga Dule ka marrë vetëm 23%, pa llogaritur dot as votën e vet pasi i humbi karta e identitetit.  

a.j