Po vjen varianti hibrid

Një variant hibrid i koronavirusit, i formuar nga ai indian dhe anglez, është zbuluar në Vietnam. Varianti i ri përhapet shumë më shpejt në ajër sesa të tjerët. Lajmin e konfirmoi ministri vietnamez i Shëndetësisë, Nguyen Thanh Long, i cituar nga “The Guardian”.

Ky variant, theksoi ministri, është shkaku i valës së re të infeksioneve në vend, që filloi rreth një muaj më pare dhe që deri tani ka sjellë 3 595 raste të reja në 33 qytete dhe provinca.

 Vietnami ka zbuluar shtatë variante të virusit deri më tani, përfshirë variantet e Afrikës së Jugut, Britanike dhe Indiane. Sipas të dhënave të Johns Hopkins Universty, në Vietnam janë regjistruar që nga fillimi i pandemisë 6 713 raste të infektuarish dhe vetëm 47 vdekje.