Kriza politike në Kosovë, Thaçi do të mandatojë atë që krijon shumicë
Kriza në Kosovë po shkon drejt rotacionit të partive që kanë pushtetin. Takimi i sotshëm i partive politike nën drejtimin e Presidentit Thaçi ka prodhuar një përfundim që dihej: të gjitha partitë veç Vetëvendosjes janë për krijimin e një qeverie të re, jo për zgjedhje.
Si rrjedhojë e diskutimeve, si dhe duke marrë parasysh që të gjitha partitë e përfaqësuara në Kuvend, me përjashtim të njërës, janë për formimin e Qeverisë së re, ndodhemi para pyetjes: Si rrjedhojë e vullnetit tuaj që vendi të ketë qeveri të re të dalë nga zgjedhjet e 6 tetorit, duke respektuar në tërësi dhe përpikëri Kushtetutën e Republikës së Kosovës, ligjet e Kosovës, do t’i jap mandatarin cilësdo parti që dëshmon se ka shumicën në Kuvend për të formuar qeverinë e re
tha pas takimit Hashim Thaçi.
Kryetari i LDK-së, Isa Mustafa, është shprehur i gatshëm që partia e tij të sigurojë shumicën për formimin e qeverisë së re, ai i PDK-së, Kadri Veseli, ka thënë se partia e tij do të jetë opozitë. Krerët e AAK-së, Nismës, AKR-së e përfaqësues të partive nga minoritetet janë shprehur pro formimit të qeverisë së re, pa zgjedhje. Të gjithë kanë përmendur pandeminë e koronavirusit si ndër arsyet për shmangie të zgjedhjeve të reja.
Comments
Sepse te gjithe horrat dhe
Sepse te gjithe horrat dhe hajdutet e Partive te tjera jane te vetedijshem qe Kurti ne zgjedhjet e reja do te merrte shumicen derrmuese te votave.
Add new comment