Slideri Kryesor

Dikush i mburri reporterët shqiptarë për raportimin e tyre heroik gjatë ngjarjeve të tërmetit të 26 nëntorit. U vu në dukje përfshirja njerëzore e gazetarëve të terrenit, ndërkohë që edhe kryeministri Rama kërkoi që mediat të sintonohen me situatën. E vërteta është se gazetarëve nuk u kërkohet të shfaqen humanë sepse janë dëshmitarë. Dhe duhet ta bëjnë mirë dhe ftohtë atë që bëjnë. Dëshminë e tyre.

Komisioneri për të Drejtën e Informimit dhe Mbrojtjen e të Dhënave Personale ka marrë në datën15 nëntor të këtij viti një vendim që hedh dritë mbi praktikën e vendimmarrjes në institucionet shqiptare. Komisioneri ka detyruar Ministrinë e Shëndetësisë të japë informacionin e kërkuar nga një subjekt privat si dhe ka gjobitur sekretarin e Përgjithshëm të Ministrisë, Geraldina Prodani me 1.5 milionë lekë të vjetra për keqpërdorim të detyrës dhe cenim të së drejtës për informim.

Dy themeluesit e njërës prej kompanive më të mëdha në botë, me rritje dhe ndikim të shpejt, Google, kanë njoftuar largimin nga pozitat drejtuese.

Larry Page dhe Sergey Brin kanë deklaruar largimin për t’i hapur rrugën drejtorit aktual të Google, Sundar Pichai.

Page kishte deri më tani detyrën e drejtorit të kompanisë nënë, Alphabet, kurse Brin ishte president i saj. Me vendimin e ri, Pichai do të jetë drejtori i ri ekzekutiv edhe i Alphabet.

Tërmeti i 26 nëntorit 2019 nuk është regjistruar nga institucionet shqiptare. Sizmologu Llambro Duni ka pranuar  në intervistë televizive se gjatë natës së 26 nëntorit në stacion kanë ikur dritat dhe aty mungon UPS.

Po përpiqemi ta rikuperojmë por është e vështirë

ka thënë Duni. 

Komentet janë të tepërta. Vetëm në Shqipëri mund të dëgjosh kësi gjërash. 

Në media të shumta po diskutohet dhe flitet me entuziazëm për filmin e ri të regjisorit Martin Scorsese, “Irlandezi”(The Irishman).

Filmi bazohet mbi librin e autorit Charles Brandt, “Kam dëgjuar se lyen shtëpi” të vitit 2004, titull që ilustron një thënie të protagonistit Frank Sheeran. Sheeran, i njohur si Irlandezi, ishte pjesë e familjes mafioze Bufalino në Pensilvani dhe në intervistën dhënë për Brandt pretendon se ai ka vrarë sindikalistin e njohur Jimmy Hoffa, apo edhe gangsterin Joe Gallo.

ShBA mendon se edhe produktet softuerike të zhvilluara në Rusi përbëjnë kërcënim për sigurinë duke kërkuar me këtë rast kategorizimin e tyre si temë e punës së kundërspiunazhit. Byroja Federale e Hetimit ka informuar senatorin demokrat të New York-ut, Chuck Schumer për shqetësimet e veta në këtë drejtim dhe pas kësaj ai ka bërë publik nevojën për ndërhyrje.

Parlamenti shqiptar do të hetojë edhe për katër muaj për presidentin Ilir Meta. Komisioni Hetimor për shkarkimin e tij, drejtuar nga nënkryetari Alban Zeneli, ka kërkuar shtyrjen e hetimeve për shkak të Gjendjes së Jashtëzakonshme.

Në Serbi kanë shprehur pasiguri për vijimin ose jo të procesit të integrimit në Bashkimin Europian. Gjatë një konference të përbashkët për shtyp me kreun e Grupit Parlamentar të Partive Popullore në Parlamentin Europian, Manfred Werner, presidenti serb, Aleksandër Vuçiç ka kërkuar që Europa të shprehet qartë se çfarë synon dhe do të bëjë në Ballkan. 

Ne do të veprojmë racionalisht dhe në mënyrë pragmatiste duke parë më të mirën për vendin tonë

tha Vuçiç. 

Punonjësit e policisë janë urdhëruar të kontribuojnë financiarisht për të prekurit nga tërmeti.  Një shkresë e bërë publike nga nënkryetari I LSI-së, që mban datën 27 nëntor urdhëron drejtorët e policisë të kontribuojnë nga paga me 5 mijë lekë të reja secili, vartësit e tyre me 4 mijë lekë te reja dhe punonjësit e tjerë civilë me 2 mijë lekë të reja.

Mediat kanë përcjellë momente nga tensioni skenik i kryeministrit me bashkëpunëtorë të tij. Njëherë duke shtyrë zv.kryeministrin Erjon Braçe, njëherë tjetër duke urdhëruar kryetarin e Bashkisë së Tiranës të marrë furçën e të lyejë një pallat, një herë tjetër duke i treguar vendin ministit të Brendshëm.