Slideri Kryesor

“Parregullsia kryesore lidhet me çështjen e kodifikimit të veprimtarisë ekonomike". 

Kjo sipas drejtoreshës së Tatimeve, Delina Ibrahimaj, është arsyeja që në sportelet e Qendrës Kombëtare të Biznesit ka një dyndje të personave që ushtrojnë veprimtari biznesi. Teksa foli për rreth 60 mijë të larguar nga puna në këtë periudhë, Ibrahimaj sqaroi se verifikimet e qytetarëve që aplikuan janë bërë rast pas rasti në rastin e paketës së parë dhe me sistem automatik në paketën e dytë.

Andre Bergmann, një mjek 48-vjeçar me koronavirus, zgjodhi klinikën e mushkërive “Bethanien”, në Moers, afër shtëpisë së tij në Gjermaninë veriperëndimore. Klinika njihet për gatishmërinë e saj për t’i vendosur pacientët me vështirësi në frymëmarrje në ventilatorët mekanikë – tipi që me tubat që shkojnë thellë në grykë.

Babai i dy fëmijëve shqetësohej se një ventilator invaziv do të ishte i dëmshëm. Por shumë shpejt, për Bergmann, ventilatori u bë i pashmangshëm.

Filozofi Benard Henri Levy ka dhënë një intervistë për gazetën “Kathimerini” përmes së cilës ka dhënë disa mendime për krizën aktuale të shkaktuar nga epidemia. Një entuziast i Europës, Levy thotë se tani është një moment që do të përcaktojë të ardhmen tonë. Dhe nëse gabojmë duke u mbyllur dhe tërhequr nga bota, ky do të jetë një moment vendimtar në atë që ai e quan “historia e rënies sonë”. 

Serbia është jashtëzakonisht mirënjohëse ndaj Bashkimit Europian për ndihmën financiare dhe çdo lloj tjetër solidariteti, jo vetëm për luftën ndaj koronabirusit, por gjithashtu në periudhën kur luftonim kundër përmbytjeve dhe pastaj CoVid-19

Këto janë fjalë të presidentit serb, Aleksander Vuçiç pas një takimi me ambasadorë të BE-së. Jo vetëm kaq, por Vuçiç ka shtuar se Serbia i ka ofruar asistencë edhe BE-së. 

Gjermania dhe Franca do të ndërmarrin së shpejti një nismë në rrafsh global për të vendosur bashkëpunim të gjerë në luftën kundër pandemisë së shkaktuar nga koronavirusi. Organizata Botërore e Shëndetësisë njoftoi dje se kjo do të përshpejtojë punën për zhvillimin e ilaçeve të sigurta, testeve dhe vaksinës kundër CoVid-19.

Zvicra ka vendosur të hapë shkollat fillore më 11 maj. Lidhur me këtë fakt në ekipet e specialistëve të mjekëve infeksionistë në Zvicër po dominon mendimi se fëmijët nuk janë përçues të infeksionit. 

Fëmijët, me shumë siguri, nuk janë përçues të kësaj epidemie. Sihurisht ka fëmijë që janë infektuar, kryesosht nga prindërit e tyre. Por fëmijët nuk janë vektorë dhe nuk janë të goditur nga virusi

Remdesivir, medikamenti antiviral i zhvilluar nga kompania amerikane Gilead Sciences ka dështuar në testimet e kryera për përdorimin kundër CoVid-19. 
Remdesivir u promovua që në fazat e para të epidemisë si një ilaç premtues, por ai ka dështuar, madje testimet janë ndërprerë për shkak të efekteve anësore. 

Presidenti i Republikës, Ilir Meta ka dalë sot në një intervistë në Syri Tv përmes së cilës ka arsyetuar disa nga vendimet e fundit në kuadër të gjendjes së fatkeqësisë natyrore. 

I pyetur për miratimin e ndryshimeve në Kodin Penal, presidenti u përgjigj thjeshtë duke thënë se ishte shumica që kërkoi bashkëpunimin, të cilin presidenti e ofroi duke përfshirë në paketë të gjitha shqetësimet e opinionit publik. 

I pyetur për prezencën e ushtrisë në rrugë, z. Meta tha se këtu nuk ka asgjë për t’u shqetësuar pasi ushtria ka detyra të përcaktuara me ligj. 

Qendra Europiane për Kontrollin dhe Parandalimin e Sëmundjeve deklaron se vala e parë e koronavirusit e ka kaluar pikun e vet në 20 vende përfshirë Britaninë e Madhe. 
Sipas qenndrës në fjalë masat e marra për karantinim kanë sjellë uljen e transmetimit të infeksionit me 18% që nga data 8 prill. Megjithatë masat lehtësuese duhen parë me shumë kujdes. 

Heqja e masave shtrënguese shumë shpejt, pa monitoromin e duhur dhe sistemet shëndetësore me kapacitet mundet që të riaktivizojë virusin në komunitete

Politika në Britaninë e Madhe po bën thirrje për një hetim të pavarur ndaj qeverisë së Boros Johnson dhe mënyrës sesi ajo iu përgjigj krizës epidemike në vend. Sipas kërkuesve të hetimit qeveria ka dështuar të shpjegojë plotësisht ndryshimet në shifrat e vdekjeve, numrin e ulët të testimeve dhe mungesën e pajisjeve në spitale.