Slideri Kryesor

Presidenti amerikan Donald Trump po mendon të miratojë një urdhër ekzekutiv që pezullon të drejtën e shtetësisë sipas lindjes. Kushtetuat amerikane në amendamentin 14 të saj garanton marrjen e shtetësisë nëse lindin në territorin amerikan përderisa subjektivizohen juridikisht në atë territor, por Trump mendon se një urdhër presidencial e bllokon zbatimin e kësaj të drejte.

Shqipëria ka hapur ambasadën e saj në Canberra të Australisë. Lajmi është publikuar edhe në mediat australiane që raportojnë se në ceremoninë e rastit kanë marrë pjesë edhe pjesëtarë të komunitetit shqiptar në Australi.

Drejtues i misionit është i Ngarkuari me Punë Edmond Trako që ka qenë më parë në Lisbonë dhe në Argjentinë.

Tani është radha juaj, e Australisë që të hapni ambasadën në Shqipëri, sepse mbulimi i Shqipërisë vijon të bëhet nga Italia

citohet të jetë shprehur Trako.

Vaksina kundër SARS-Cov-2 është më në fund një produkt konkret që njësoj si për çdo sëmundje tjetër epidemike do të duhet të zgjidhte problemin e krijuar nga pandemia. Mirëpo mënyra sesi u menaxhua kjo pandemi në shkallë globale, ka provokuar një nivel të paprecedent mosbesimi në autoritetet shkencore dhe politike, të paktën për këto dekaldat e fundit. P.sh vendi ku skepticizmi për vaksinën është më i madh, është Franca.

Patriarku i Kishës Orthodhokse Serbe Irinej ka ndërruar jetë dhe në moshën 90 vjeçare. Ai ishte diagonstikuar me CoVid-19 ditën e martë dhe sëmundja i ka përparuar shumë shpejt.

Ai ishte shtruar në spitalin ushtarak “Karaburma” në Beograd. Irinej është kleriku i dytë orthodhoks në Ballkan që ndërron jetë për shkak të CoVid-19, ndërkohë që aktualisht disa të tjerë janë prekur prej sëmundjes.

Pandemia aktuale në Shqipëri duket se ka prodhuar edhe dukurinë e riinfektimit. Siç ndodh rëndom, informacioni për këtë temë vjen në rrugë informale dhe për ta marrë atë zyrtarisht është thuajse e pamundur.

Pas fotove që qarkulluan në rrjetet sociale gjatë orëve të fundit, ka reaguar Instituti i Mjekësisë Ligjore. Në deklaratën për media, IML shpreh keqardhjen për publikimin e këtyre fotove dhe pranon se shpesh e ka të pamundur të sistemojë kufomat. Në fotot e publikuara në rrjetet sociale duken trupa të personave që kanë ndërruar jetë të vendosur në dysheme. Sipas IML-së, kjo ndodh për shkak të numrit të lartë të fataliteteve.

Sot është Dira Universale e Fëmijëve dhe në këtë kuadër, Eurostati ka publikuar disa të dhëna mbi pjesëmarrjen e fëmijëve në arsimin e parashkollor në kontinent. Matjet janë kryer në 34 rajone të BE-së ku sipas të dhënave “të gjithë fëmijet marrin pjesë në arsimin parashkollor”.

Në vitin 2018, 96% e fëmijëve mes 4 dhe 6 vjeç ishin pjesë e sistemit parashkollor; nga 6 deri në 10 rajone të BE-së kjo pjesëmarrje ishte mbi 95%.

Një ndër aspektet origjinale të pandemisë është zbulimi për të gjithë njerëzinë se këtu nga anët tona edhe mjekët janë të ndarë sipas partive politike. D.m.th që një mjek i cili ka një profesion shumë specifik dhe që shoqërohet me një betim, të angazhohet në detyra administrative nuk ka ndonjë gjë të keqe. Por që një mjek ta ndërtojë profilin e vet publik, të përcjellë mesazhe dhe të kundërshtojë vendimet, apo t’I mbrojë atom bi premise partiake, kjo është ndoshta prodhim bio i Shqipërisë.

Organizata  Botërore e Shëndetësisë, që ka ndryshuar disa herë qëndrimet e veta publike gjatë pandemisë, ka bërë një parashikim për fundin e saj.

Ka dritë në fund të tunelit, por do të jenë 6 muaj të vështira. Europa është sërish në epiqendër të pandemisë, bashkë me SHBA. Një person vdes çdo 17 sekonda

është shprehur Hans Kluge drejtori për Europën në OBSh.

Sipas tij në Europë janë verifikuar 28% e rasteve me CoVid-19 në shkallë globale dhe 26% e vdekjeve.

Prokuroria e Durrësit ka përfunduar hetimet dhe ka dërguar për gjykim 16 persona të akuzuar për dëmtimin e banesave apo objekteve të tjera që shkaktuan dhjetëra viktima si pasojë e shembjes.

Vendimi i akuzës për të çuar dosjen për gjykim, vjen një vit pas ngjarjes që terrorizoi gjithë vendin. Si pasojë e këtij tërmeti kujtojmë se u dëmtuan një numër i konsiderueshëm banesash dhe objektesh të tjera, si dhe kanë gjetur vdekjen 23 persona në Durrës.