Slideri Kryesor

Ambasadori rus në Tiranë, Mikhail Afanasiev, ka dhënë këto ditë një intervistë për MCN Tv përmes së cilës ezauron disa pyetje që prekin marrëdhëniet ruso-shqiptare. Ajo që bie në sy nga qëndrimet e diplomatit rus është fakti se Tirana zyrtare nuk ka asnjë arsye zyrtare për distancimin në raportet dypalëshe, të cilat thuajse kanë ngrirë.

Qeveria polake ka marrë përsipër të mbrojë NATO-n nga Covid-19. 3500 doza të vaksinës Oxford / AstraZeneca - mjaftueshëm për të vaksinuar të gjithë punonjësit e NATO-s në selinë në Bruksel, janë siguruar nga Polonia. Lajmin e konfirmoi sekretari i përgjithshëm i NATO-s, Jens Stoltenberg.

Administrata Biden pritet të lëshojë një urdhër ekzekutiv që detyron shitësit e softuerëve të njoftojnë klientët e qeverisë federale kur kompanitë kanë shkelje të sigurisë kibernetike. Lajmin e bën të ditur Reuters, që i referohet një drafti, i cili ende nuk ka marrë formë përfundimtare.

Pritet që urdhri të lëshohet javën tjetër.

Vaksina ruse do të prodhohet në Rusi. Fondi Rus për Investime Direkte dhe Instituti i Virologjisë, Vaksinave njoftoi sot arritjen e marrëveshjes për prodhimin e vaksinës Sputnik V në Serbi. Prodhimi do të nisë në maj  dhe do ta bëjë Serbinë vendin e parë në Evropën Juglindore që prodhon vaksinën Sputnik V.

Franca akuzon Rusinë se po e përdor vaksinën e saj, Sputnik V, si një mjet për të përhapur ndikimin dhe mesazhin e Moskës dhe jo si mënyrë për të luftuar krizën globale të shëndetit.

"Për sa i përket mënyrës se si menaxhohet, ajo (vaksina Sputnik V) është më shumë një mjet propagande dhe diplomacie agresive sesa një mjet solidariteti dhe ndihme shëndetësore", i tha ministri i Jashtëm, Jean-Yves Le Drian, radios France Info.

Përveç votave që mund të mbledhin subjektet zgjedhore në çdo qendër votimi, roli i sistemit zgjedhor mund të jetë deçiziv në përcaktimin e forcave në parlamentin e ardhshëm që do formohet pas zgjedhjeve të 25 prillit.

Pra rezultati në vota për çdo subjekt zgjedhor në çdo qendër votimi prodhon edhe rezultatin final që është rezultati në mandate për subjektet. Kjo do të thotë që ka varësi mes rezultatit në vota dhe rezultatit në mandate. Kjo varësi (të cilën e përcakton Kushtetuta dhe Kodi Zgjedhor) dhe defektet e saj do të jenë objekt analize në këtë shqyrtim.

Status quo-ja nuk po garanton më stabilitet në Ballkanin Perëndimor. BE-ja duhet të përqendrohet më shumë te fitoret e vogla në mënyrë që të arrijë qëllimet afatgjata. Ky ishte konkluzioni që doli gjatë panelit “Si të rikthejmë zgjerimin e BE-së në rrugën e duhur? Përparësia te sundimi i ligjit dhe reformës në drejtësi”, organizuar nga “rrjeti WB2EU”.

Karoline Edtstadler, Ministre Federale për BE dhe Kushtetutën e Austrisë, tha se ajo nuk e sheh si negative situatën aktuale në lidhje me procesin e zgjerimit.

Themeluesi i Facebook, Mark Zuckerberg, do të jetë sërish të enjten në Kongres, në një seancë dëgjimore mbi rolin e medias sociale në shpërndarjen e informacionit të pasaktë.

“Jemi gati të ndryshojmë mënyrën si e drejtojmë Facebook-un. Thjesht na tregoni si ta bëjmë”, pritet të jetë thelbi i deklaratës së Zuckerberg.

Facebook, i rritur në mënyrë progresive përgjatë viteve të fundit, është kthyer në një kompani jashtëzakonisht fitimprurëse. Ai gjeneroi 84 miliardë dollarë të ardhura vitin e kaluar dhe aktualisht vlen më shumë se 800 miliardë dollarë.

Kryeministri Edi Rama e ka gjetur edhe një vjegë tjetër për të shitur veten elektoralisht: vaksinat. I sapokthyer nga Turqia, z. Rama ka njoftuar një sukses të madh me sigurimin e 1 milionë dozave.

Në Stamboll për shumë vaksina! O ia dalim o ia dalim, s'ka tjetër dhe po s'ia dolëm ne askush tjetër nuk ka si ia del dot.  Kemi siguruar 1 milionë vaksina të tjera. Kontraktuam për momentin gjysëm milionë doza brenda 60 ditësh. Sjellim sot në Tiranë 192 mijë. Për më shumë pas pak orësh në Rinas dhe kur ju them do t’ia dalim, mos e dyshoni kurrë që do t’ia dalim

Një grup studiuesish të MIT kanë zhvilluar një teknikë për të gjeneruar holograme në kohë reale. Teknika e re është aq efikase, sa mund të bëhet në një kompjuter portativ ose smartfon. Liang Shi, njëri prej studiuesve, thotë se falë kësaj teknike hologramet do të përdoren në shumë fusha.

Kultura pop e bëri termin “hologram” sinonim të reperit të ndjerë Tupac Shakur, me performancën e tij në Coachela 2012. Në fakt, nuk ishte mirëfilli një hologram. Ishte një iluzion optik me efekt pasqyrë, që njihet ndryshe si Pepper’s Ghost.