Slideri Kryesor

Ndërsa pjesa më e madhe e vendeve europiane ndryshuan strategjinë e vaksinimit me AstraZeneca pas disa rasteve të mpikjes së gjakut, Danimarka pritet të marrë një masë më të ashpër. Sipas burimeve të cituara nga mediat daneze, Danimarka do të pezullojë përgjithmonë përdorimin e vaksinës AstraZeneca dhe do të pezullojë “Johnson & Johnson” deri në një njoftim të dytë.

Certifikatat dixhitale, të cilat do bëhen funksionale në BE nga fillimi i verës, do të lëshohen për të gjitha vaksinat kundër Covid 19 dhe me to do të pajisen edhe qytetarët e vendeve jashtë BE-së.

Komisioneri Evropian për Drejtësinë, z. Didier Reynders, tha para Komitetit të Lirive dhe Drejtësisë në Parlamentin Evropian, se qëllimi kryesor i certifikatave dixhitale është lehtësimi i lëvizjes së lirë në BE.

Greqia dhe Libia kanë rënë dakord të zhvillojnë bisedime për shënjimin e zonave të tyre detare në Mesdhe, tha të mërkurën kryeministri Kyriakos Mitsotakis, pas një takimi me presidentin e Këshillit presidencial Libian, Mohamed al-Menfi. Pas takimit, siç raporton "Reuters", Mitsotakis është shprehur pas takimit se të dy palët kanë "rënë dakord për rinisjen e menjëhershme të bisedimeve midis Greqisë dhe Libisë mbi caktimin e zonave detare."

Tensioni në kufirin ruso-ukriainas ka kapërcyer fazën e nxehjes teksa përfaqësues të pushtetit, apo pranë pushtetit në Moskë kanë nisur të flasin për luftë me SHBA. Dje mediat citonin disa deklarata të Margarita Simonyan, drejtuese e mediave shtetërore ruse, RT dhe Sputnik, e cila shprehej se konflikti do të shpërthente në momentin kur Rusia do të niste lëvizjet për kapjen e territorit ukrainas. Sipas saj përplasja me SHBA është e pashmangshme në kursin e tanishëm të ngjarjeve në Ukrainë. Simonyan nuk është e vetmja që artikulon teza apo interpretime të tilla.

E kanë pagëzuar “paradoksi kilian”. Vendi në Amerikën e Jugut habiti botën për shpejtësinë e fushatës së vaksinimit masiv kundër koronavirusit: 4.6 milionë njerëz nga 18 milionë banorë që ka Kili kanë bërë dy doza të vaksinës, 7.2 milion kanë bërë vetëm njërën. Vetëm Izraeli, Emiratet e Bashkuara Arabe dhe Seychelles renditen para Kilit për fushatën e vaksinimit.

Ukraina dhe Rusia janë shumë pranë një konflikti të armatosur. Më shumë sesa një konflikt modern, ai i ngjan një të tilli të shekullit XX. Ushtarë të lodhur e nervozë me pushkë në krah që skanojnë atë një njihet si toka e askujt.

Snajperët, me gjasë të trajnuar nga rusë, thonë se zyrtarët ukrainas po presin rastin për të urdhëruar hapje zjarri. Më shumë se 20 shokë të tyre janë pushkatuar tashmë gjatë këtij viti.

Presidenti amerikan, Joe Biden ka caktuar Christinë Wormuth në detyrën e sekretarit për Ushtrinë, funksion që inkuadrohet brenda Departamentit të Mbrojtjes. Sipas raportimeve mediatike, nëse kandidatja në fjalë, që më herët ka shërbyer si zyrtare e lartë e politikave në Pentagon në fund të mandatit të Barack Obamës, merr miratimin e Senatit, do të jetë femra e parë në këtë pozicion.

Rastet e vdekjeve nga CoVid-19 në Europë kanë kaluar 1 000 000 njerëz. Lajmi raportohet nga AFP, sipas së cilës përllogaritja merr në analizë fatalitetet në 52 vende. Saktësisht numri i vdekjeve deri dje është 1 000 288. 

Jemi në një pikë kritike të pandemisë. Trajektoria e pandemisë po rritet në mënyrë eksponenciale

citohet të jetë shprehur  Maria Van Kerkhove, drejtuese e grupit teknik për CoVid-19 në OBSH.

Rreth 900 metër në thellësi të detit, 10 milje nga brigjet e Los Angelesit gjenden fuçi të panumërta me mbetje toksike. Zbulimi është bërë nga David Valentine, një studiues i jetës ujore dhe profesor në Universitetin e Kalifornisë.

Fuçitë përmbajnë DDT, një përbërje kimke pa erë që fillimisht u zhvillua si një insekticid gjatë Luftës së Dytë Botërore. Në vitet ‘60, përbërja u zbulua se ishte shumë toksike për njerëzit dhe kafshët, ndërsa Agjencia e Mbrojtjes së Mjedisit e ka etiketuar tani si "kancerogjen i mundshëm njerëzor".

BE refuzon kërkesën e Malit të Zi për ndihmë në shlyerjen e një huaje të marrë në Kinë. Në një deklaratë për shtyp, zëdhënësja e Komisionit Evropian, Ana Pisonero, tha se BE nuk asiston në ripagimin e huave nga palët e treta.

“Bashkimi Evropian ka krijuar një instrument konkret për të mbështetur projektet kryesore të infrastrukturës në Ballkanin Perëndimor”, tha ajo duke theksuar se Plani Ekonomik dhe i Investimeve, i prezantuar në tetor të vitit të kaluar, do të ndihmonte për të marrë fonde nga investitorë të tjerë publikë dhe privatë, përfshirë Banka e Investimeve.