Slideri Kryesor

Sot ka nisur në mbarë vendin dita e parë e shkollës. Ka nisur në mënyrën më anormale të mundshme, duke përsëritur vitin e kaluar akademik që ishte edhe vit pandemik. Mësim vetëm 2 orë në orare me turne.

Vendimi që ka kushtëzuar këtë mënyrë të (ç)mësuari është fomalisht pandemia, e cila përtej anomalisë që sjelll është mbivendosur me një tjetër anomali shqiptare: ky kufizim ka prekur vetëm shkollat publike parauniversitare dhe jo ato private.

Ish-kryeministri italian, Mario Monti, i rikthehet krizës së euros dhe rolit të Angela Merkelit në zgjidhjen e saj. Në një intervistë për Corriere della Sera, Monti flet për angazhimin e hekurt politik të kancelares që drejtoi ekonominë më të madhe të Europës për 16 vjet, por edhe për pasiguritë për krizën e eurozonës dhe tolerancën e tepruar për autokratin Orban në Hungari.

Kryeministri Rama thotë se në situatën e tensionuar që është krijuar në veri të Kosovës gjatë ditëve të fundit, nuk ka vend për ndërmjetësim. Gjatë vizitës në Prishtinë, ai tha se e drejta është me Kosovën dhe Shqipëria i qëndron asaj në krah. Gjatë konferencës së përbashkët me homologun Albin Kurti, Rama tha se i takon atij të marrë vendimet e duhura.   

Partia Social-Demokrate, SPD, e qendrës së majtë ka fituar zgjedhjet federale në Gjermani, duke lanë pas partinë e kancelares Merkel.

Sipas rezultateve paraprake, SPD e drejtuar nga Olaf Scholz, njëherësh zëvendës-kancelar në ikje dhe ministër i Financave, ka marrë 25.7 për qind të votave, ndërsa derisa blloku konservator i Merkelit, CDU/CSU, ka siguruar 24.1 për qind.

Kjo e bën të domosdoshëm një koalicion për qeverinë e re që do të drejtojë ekonominë më të madhe të Europës.

Zvicra bëhet shteti i radhës që do të legalizojë martesat gei. Referendumi i mbajtur sot tregoi se gati 2/3 e zviceranëve që shkuan në kutitë e votimit ishin pro martesave brenda të njëjtës gjini. Çiftet gei do të fitojnë edhe të drejtën për të birësuar fëmijë.

Sipas rezultateve zyrtare, 64.1% e votuesve votuan në favor të martesave të të njëjtit seks në referendumin mbarëkombëtar që u zhvillua nën sistemin e demokracisë direkte të Zvicrës.

Amnesty International e cilësoi këtë një "arritje për barazinë".

Me afrimin e dimrit, në Eruopë pritet rritje e mëtejshme e çmimit të gazit. Kreu i ENI, gjiganti italian i gazit dhe naftës, thotë se Europës i duhet një plan afatgjatë për energjinë.

Ish-ambasadori grek, Alexandros Mallias, thotë se Greqia do të njohë pavarësinë e Kosovës. Në një opinion të botuar në "Kathimerini", të cilës i referohet B92, Mallias flet për marrëdhëniet midis Greqisë, Shqipërisë dhe Kosovës, duke analizuar politikën e ndjekur nga ministri i Punëve të Jashtme, Nikos Dendias.

Në vitin 2016, vajza shtatëvjeçare e Jang Ji-sung, Nayeon, vdiq nga një sëmundje e pashërueshme. Tre vjet më vonë, nëna nga Koreja e Jugut u ribashkua me Nayeon, në një botë virtuale.

Pak ditë më parë, Korporata e Transmetimit Munhëa publikoi në Youtube momente të këtij bashkimi, në dokumentarin “Takimi”.

Nëna qëndron para një ekrani të gjelbër, ndërsa mban pajisjen VR. Ajo dhe e bija flasin, ecin dorë për dore, madje bëjnë edhe një festë ditëlindjeje me tortë me qirinj.

Seriali izraelit “Teheran” është nominuar për çmimin prestigjioz, International Emmy Award, në kategorinë drama më e mirë. Personazhi kryesor i serialit është Tamar (i luajtur nga aktorja Niv Sultan), një agjente e Mosadit, e specializuar në hakerimin e kompjuterëve.

Ajo shkon në Iran në misionin e parë për të ndihmuar forcat e mbrojtjes së Izraelit të kryejnë një sulm ajror në reaktorët bërthamorë të regjimit iranian. Misioni dështon dhe e mbetur pa përkrahje, asaj i duhet të mbijetojë.

Shefja e FMN-së, Kristalina Georgieva, i cilësoi të rreme gjetjet e një hetimi të pavarur, i cili arrin në konkluzionin se gjatë detyrës si shefe e Bankës Botërore ajo i bëri presion stafit për të manipuluar të dhënat dhe për ta shfaqur klimën e biznesit të Kinës më të favorshme sesa ishte në të vërtetë.