Slideri Kryesor

Në Shqipëri ka një projekt për ndërtimin e portit në Durrës. Thonë se do hidhen 2 miliardë dollarë.

Në Shqipëri u fol për ndërtimin e një porti në Karpen, madje u miratua edhe një ligj i posaçëm. 5 miliardë dollarë u fol se do të vinin.

Në Shqipëri u fol për një kullë 250 milionë dollarë në Tiranë.

Pra vetëm për këto 3 projekte janë përfolur 7 miliardë 250 milionë dollarë. Nuk është keq. Nëse këto para do të vinin. Por ata nuk kanë ardhur.

Nëse Uinston Çurçill do të kishte qenë dëshmitar i asaj që po ndodh sot në Ukrainë, ai ndoshta do ta kishte ndryshuar thënien e tij të famshme "Rusia është një enigmë e mbështjellë në një mister brenda një enigme". Rusia e Vladimir Putinit, në realitet, i ngjan më tepër lëvizjeve të një akrobati, me synimet finale sigurisht të fshehura, por strategjinë dhe mjetet për t’i kënaqur ato më shumë se të dukshme.

16 shkurti ka qenë përgjatë ditëve të fundit në kryetitujt e mediave perëndimore, si dita e mundshme e pushtimit rus në Ukrainë. Artikuj dhe analiza pa fund të botuara që prej fundit të vitit të kaluar e kanë hedhur shpesh hipotezën se Putin po luante blofin, e megjithatë frika e një operacioni pushtues ka qenë e pranishme gjatë gjithë kohës. Por pasi nuk rezultoi një ditë sulmi, 16 shkurti u kthye në një ditë qesëndisjeje.   

Ekspertët në Moskë u vunë menjëherë në rresht për të nisur talljen me median perëndimore.

Shtetet e Bashkuara të Amerikës mbështesin krijimin e Komunitetit të Komunave Serbe në Kosovë duke dhënë garanci se ky entitet që vjen në përputhje me Kushtetutën e vendit dhe madje shkon në drejtim të forcimit të sovranitetit të shtetit. Këto janë komentet e bëra ngai Dërguari i SHBA për Ballkanin Perëndimor Gabriel Escobar në sesionin e radhës në Nënkomitetin për Çështjet me jashtë dhe për Europën në Senatin Amerikan.

Vendet e Bashkimit Europian pritet të heqin masat e mbetura kufizuese që kanë të bëjnë me pandeminë e CoVid-19 në mesin e muajit mars të këtij viti. Ministri i Shëndetësisë në Greqi, Thanos Plevris ka bërë njoftimin në mediat greke duke shtuar se vendimi do të marrë në konsideratë presionin e secilit vend mbi sistemin kombëtar shëndetësor.

Aktualisht edhe Greqia ka vendosur të heqë kufizimet në një moment kur sipas ministrit shkalla e vaksinimit është 81%.

Irani është pranë marrëveshjes me Perëndimin për programin bërthamor. Bisedimet në Vjenë pritet të finalizohen me firmosjen e marrëveshjes brenda pak ditësh.

"Nuk është çështje javësh, është çështje ditësh", i tha Senatit ministri i Jashtëm francez Jean-Yves Le Drian.

Në bisedimet e Vjenës, Irani ka përballë Britaninë, Kinën, Francën, Gjermaninë dhe Rusinë drejtpërdrejt, dhe Shtetet e Bashkuara në mënyrë indirekte. Bisedimet nisën në fund të nëntorit me synimin për të rivendosur marrëveshjen e vitit 2015.

Kërkesa për shkarkimin e Presidentit të Republikës, Ilir Meta, ka marrë sot përgjigje përfundimtare nga Gjykata Kushtetuese e cila ka hedhur poshtë atë si të pabazuar. 

Gjykata Kushtetuese, pasi verifikoi procedurën e ndjekur nga Kuvendi për ngritjen e komisionit hetimor, garantimin e së drejtës së Presidentit për t’u dëgjuar dhe për t’u mbrojtur dhe duke mbajtur në konsideratë pavarësinë organizative të Kuvendit, në tërësi konstatoi se nuk ka pasur shkelje kushtetuese gjatë kësaj procedure. 

Kryeministri i Greqisë, Kyriakos Mitsotakis, ka deklaruar nga Beogradi se pozicioni i Athinës zyrtare për njohjen e Kosovës mbetet i pandryshuar. 

Dua të bëj të qartë se qëndrimi i vendit tim mbetet i pandryshuar, por ne duam të shohim normalizimin e marrëdhënieve mes Beogradit dhe Prishtinës dhe kjo është arsyeja pse ne mbështesim dialogun, si dhe përpjekjet e të dërguarit të BE-së, Miroslav Lajçak

tha Mitsotakis pas takimit me presidentin serb, Aleksandër Vuçiç. 

Presidenti i Serbisë, Aleksander Vuçiç ka firmosur sot dekretin e zgjedhjeve të reja parlamentare, të cilat do të mbahen më 3 prill të këtij viti. 

Po njoftoj zgjedhjet parlamentare për datën 3 prill 2022. U bëj thirrje qytetarëve të Serbisë të votojnë, të tregojnë kapacitetet demokratike të vendit, sesa e rëndësishme është të pranosh planet dhe programet për të ardhmen. Le të fitojë më i miri! Qytetarë të Serbisë, Ju uroj zgjedhje të mira! 

shkruan Vuçiç në Instagram. 

Meta, kompania mëmë e Facebook, ra dakord të paguajë 90 milionë dollarë, në një ujdi që i jep fund një procesi gjyqësor të nisur në vitin 2012, kur rrjeti social u akuzua se i gjurmonte përdoruesit edhe pasi ata kishin dalë nga llogaritë e tyre.