Slideri Kryesor

Presidenti rus Vladimir Putin ka zëvendësuar kreun trupave ushtarake në Ukrainë, Sergei Surovikin me shefin e Shtabit të Përgjithshëm, Valery Gerasimov. Ky i fundit rikthehet në drejtim operacional muaj pas njoftimeve se ishte plagosur në një vizitë pranë njësive që janë pjesë e operacionit special. 

 Një seri autopsish të kryera mbi 44 persona të pavaksinuar kundër CoVid-19 në periudhën prill 2020-mars 2021 ka nxjerrë në pah shkallën e invadimit të Sars-Cov-2 në trupin e njeriut. Mosha mesatare e të ekzaminuarave ishte 62.5 vjeç dhe hulumtimi në tru u krye në 11 raste.

Përveç sistemit respirator, virusi u identifikua edhe në 79 zona të tjera të trupit si zemër, veshka, mëlçi, muskuj, nerva, traktin riprodhues dhe sy.

Në gazetën britanike “The Guardian” është shfaqur sot një editorial që trajton nevojën e përshpejtimit të procesit të integrimit. Gazeta në fjalë e ilustron shkrimin me një foto të Edi Ramës me Ursula von der Leyen në samitin e Tiranës mbajtur në fund të vitit që shkoi, një aspekt propagandistik ky që përcjell mesazhin e rremë se njeriu më europian në Ballkanin Perëndimor është në Tiranë.

Ka ndërruar jetë në moshën 82 vjeçare ish-mbreti i Greqisë, Konstantin. Mediat greke raportojnë se varrimi do të jetë privat dhe pa ceremoni shtetërore dhe ai do të kryhet në rezidencën verore të familjes, në Tatoi. Qeveria do të përfaqësohet në ceremoni me ministrin e Kulturës.

Në media të ndryshme të rajonit po flitet së fundmi për ftesën që z. Rama, kryeministër i Shqipërisë i ka dërguar krerëve të partive shqiptare në Maqedoninë e Veriut. Ftesa siç është vënë në dukje vjen në një kontekst të ndezuar të brendshëm të Maqedonisë së Veriut, një vend me dinjitet të copëtuar brenda një harte politike që sa vjen e humbet kuptimin e vet. Diskutimi që po bëhet për përfshirjen në preambulën e Kushtetutës të pakicës bullgare përbën një rast flagrant të handikapit që përfaqëson tashmë e drejta e vetos në BE për vende aspirante.

EuObserver raportonte sot për investimin e pazakontë të parave të dedikuara për europarlamentarët në aksione të kompanive të armëve, duhanit, minierave dhe hidrokarbureve.

Sipas medias në fjalë investimi përfshin investimet në fondin e pensioneve mes viteve 1994-2010 dhe aksionet e blera me para të dhëna nga BE, përfshijnë Raytheon, Honeywell International dhe Textron që janë disa prej kompanive të cilat ndër të tjera prodhojnë edhe municione thërmuese që janë ndaluar nga BE që në vitin 2008.

Në një intervistë për mediat ruse, Sekretari i Këshillit të Sigurisë së Rusisë, Nikollai Patrushev, ka bërë disa vlerësime për situatën aktuale në botë, që ilustrojnë një ndarje të thellë dhe reale që nuk lidhet më thjesht me ekonominë, por edhe më psikologjinë e organizimit.

Grupi HomeLand Justice ka publikuar këto momente të dhënat bankare të hollësishme të qindra qytetarëve dhe subjekteve shqiptare. Mes të dhënave figurojnë edhe llogaritë korente, gjendja e tyre me degët përkatëse. Një skandal ky i jashtëzakonshëm që tregon se depërtimi në të dhënat tashmë është kapilar dhe thuajse përfundimtar.

Një investigim gazetaresk në Europë ka zbuluar se rreth 60 miliardë euro të dedikuara për ringritjen pas pandemisë do të kalohen për projekte të kërkimit dhe shfrytëzimit të hidrokarbureve.  

Vendimi sipas mediave është marrë më 15 dhjetor 2022 kur gjatë një seance, PE, KE dhe KiE kanë rënë dakord që fondet e pandemisë, në total 750 miliardë euro, mund të përdoren për nismat e "Rifuqizim i BE-së", një projekt që lindi në përgjigje të krizës së gazit dhe naftës pas pushtimit rus të Ukrainës.

Në mediat sociale janë përcjellë pamje të përplasjeve mes mbështetësve të ish-presidentit brazilian, Jair Bolsonaro dhe policisë. 

Turma njerëzish - 3000 sipas nurimeve lokale + kanë mësyrë Pallatin e Kongreseve, ndërkohë që janë regjistruar lëvizje njerëzish pranë pallatit presidencial, Planalto dhe Gjykatës së Lartë. Protesta është parë si një lloj imitimi i 6 janarit në ShBA.