Slideri Kryesor

“News 24” njofton se sot në mbrëmje ka vdekur aktori Albert Verria. Verria është ndarë nga jeta në moshën 79 vjeçare, pasi vuante nga një sëmundje e rëndë. Ai është i njohur për publikun shqiptar për disa role shumë të goditura në filmat “Në fillim të verës”, “Koncert në vitin ‘36”, “Kapedani”. Verria ka lindur më 3 shtator 1936 në Fier dhe banonte në qytetin e Vlorës.

Ish ekstremistes së majtë, ‘revolucionares” Dilma Rusef tashmë presidente e Brazilit, po i dalin një nga një disa skandale të rënda. Në Brazil, me mijëra vetë kanë dalë nëpër rrugë për të kërkuar dorëheqjen e presidentes. Flakën e pakënaqësisë, me protestues që kanë mbushur rrugët më shumë se në karnavale, e kanë ndezur disa skandale korrupsioni që kanë përfshirë persona shumë pranë kryetares së shtetit.

Plot 720 milionë lekë të vjetra nga fondet e veta (mbi 500 mijë euro), planifikon të harxhojë OSHEE, për kualifikimin e stafit. Syri.net zbulon një tjetër institucion që “investon” për kualifikimin e stafit të tij. Sipas Syri-t, kriteret e konkurrentëve duken të specifikuara për një kompani të paracaktuar. Pasi 150 veta staf e kaq pedagogë nuk i ka as fakulteti i inxhinierisë elektrike. Ky është një dokument kuptimplotë që tregon se përse përdoren paratë e qytetarëve që po bëjnë burg për 30 mijë lekë të vjetra energji të papaguar.

Komisioni Europian në një raport për ekonomitë e Ballkanit, konstaton se Shqipëria mbledh më pak të ardhura se vendet e tjera të rajonit në raport me Prodhimin e Përgjithshëm Kombëtar. Niveli i lartë i evazionit fiskal dhe ekonomisë informale, si dhe rendimenti i ulët i tatimeve dhe doganave janë arsyet kryesore pse administrata nuk arrin të mbledhë të ardhurat.

“Syri.net” publikon një faksimile prokurimi në dogana për...”kurs anglishteje online”. Dhe në këtë kurs merr pjesë edhe Drejtoresha e Doganave, e dikurshmja, Elisa Spiropali. Dokumenti, që ngjan si i hartuar nga organe auditi, nënvizon se fondi prej 468 000 lekë është i pajustifikuar, përderisa “nuk mund të përdoren fondet buxhetore për përmirësimin e gjuhës së huaj apo për kualifikime për të cilat lidhen drejtpërdrejtë me arsimin profesional”.

Para më shumë se një viti, kur në media qarkulloi lajmi se shërbimet gjermane kishin survejuar në Shqipëri, kryeministri shqiptar tha se “ne nuk kemi çfarë të fshehim nga miqtë”. Është një nga ato deklarata që hidhen kuturu, si për të thënë se “tani jemi të brendshëm me të mëdhenjtë”. Mirëpo diskutimi është më i gjerë dhe me shumë implikime, kur vjen puna te fakti se përgjimet e sotme, po rezultojnë në krijime të qendrave të të dhënave që administrohen në një dorë. Kjo dorë është SHBA.

Nuk ka të sosur radha dhe sherri që vjen nga shteti shqiptar. Radhë për pasaporta kudo, radhë për certifikata...Në Vlorë situata ka shkuar deri në përplasje fizike.

Ka nisur punimet në Prishtinë Seminari XXXIV Ndërkombëtar për Gjuhën, Letërsinë dhe Kulturën Shqiptare, i cili do të zhvillohet deri më 28 gusht dhe që ka si tema kryesore: shqipja në domenin publik, letërsia dhe religjioni, si dhe kultura shqiptare në tranzicion.

Përgjegjësinë e kanë elitat politike që njerezit po ikin në masë nga Ballkani. Kështu shkruan sot në një shkrim në “Deutsche Welle”, Verica Spasovska, e cila ofron një përgjigje për shkakun e imigrimit. Një përgjigje që nuk thuhet nga politiknaët dhe vendimmarrësit, që bëjnë llogari dhe flasin për vende të sigurta. Ndërkohë që masat shtrënguese ndaj elitave hajdute dhe banditeske në Shqipëri e Kosovë, apo edhe gjetkë, i kanë në dorë. Është kjo çfarë sugjeron Spasovska.

Nëpërmjet një komenti në Facebook deputeti socialist Erjon Braçe ka reaguar mbi gafën e shënimit të gabuar të afatit 10 vjeçar në pasaportat e fëmijëve, afat që duhej të ishte 5 vjet. Braçe nuk e quan një gabim teknik, por një shkelje ligji që sipas tij u kushton shqiptarëve 11.6 milionë euro. Braçe thotë se kjo çështje, e cila po trajtohet si gabim teknik, ka ndodhur në harkun kohor Prill 2009-Korrik 2010, kur Ministrinë e Brendshme e drejtonte Lulzim Basha.