Slideri Kryesor

Një nga gjërat për të cilat u dallua qeveria Berisha ishte rritja e ndjeshme e investimeve publike çdo vit, në krahasim me vitin 2005. Dhe kjo ishte edhe arsyeja kryesore pse borxhi publik u rrit ndjeshëm gjatë 8 vjetëve të qeverisjes së Berishës.

Por sa efektive kanë qenë investimet publike në periudhën 8-vjeçare të qeverisë Berisha?

Investimet publike, duke qenë mjeti kryesor fiskal në dorë të qeverisë për nxitjen e rritjes ekonomike, ndikojnë drejtpërdrejtë në rritjen e prodhimit të sektorit të ndërtimit, si dhe tërthorazi, në të gjithë sektorët e tjerë.

Partia Socialiste me turin “Ta pastrojmë Shqipërinë” dhe Partia Demokratike me turin e kryetarit të saj nëpër rrethe kanë pagëzuar një parafushatë elektorale e cila synon si fillim organizimin. Lëvizjet në këtë drejtim fitojnë rëndësi jo dhe aq për ndonjë ringjallje të shpresës, sesa për të parë konfirmimin e një politike të dështuar dhe të mbyllur në qarkun e vendimmarrjes klanore që vetë ka krijuar. Të dy drejtuesit kryesorë kanë bërë të vetën tezën e hapjes së partisë, e afrimit të rinisë, duke paraqitur si mall të tregtueshëm politikisht, një vizion për të ardhmen e Shqipërisë.

Ministria e Financave po përgatit udhëzimin “PËR DISA SHTESA DHE NDRYSHIME NË UDHËZIMIN NR. 24 DATË 02.09.2008 “PËR PROCEDURAT TATIMORE NË REPUBLIKËN E SHQIPËRISË” I NDRYSHUAR, i cili do të shërbejë si bazë për zbatimin e ndryshimit të ligjit të procedurave, që hyri në fuqi në 12 nëntor dhe që parashikon ashpërsim të ndjeshëm të gjobave dhe penaliteteve ndaj bizneseve me shkelje.

Në gjyqin e 9 të pandehurve për terrorizëm u artikuluan akuza të ashpra ndaj shtetit dhe Komunitetit Mysliman që sipas tyre po bashkëpunojnë për të përçarë muyslimanët.I pandehuri Fadil Myslimani deklaroi se Shqipëria nuk është e pavarur dhe se vetëm ISIS mund ta çlirojë Shqipërinë. “ I them piktorit që të mos ngatërrohet me ISIS sepse ju e vodhët popullin, ndërsa drejtuesit e ISIS nuk ia marrin paratë popullit”-mësohet të ketë deklaruar Myslimani në sallën e gjyqit.

Rusia ka hedhur një tjetër hap në luftën diplomatike me Turqinë dhe Bashkimin Evropian paralelisht me operacionet luftarake në zonën ku u rrëzua avioni rus nga ushtria turke.Për Moskën, arsyeja e rrëzimit të avionit ushtarak rus lidhet me tregtinë e naftës që Turqia bën Shtetin Islamik. “Ne kemi të gjithë arsyet për të besuar se vendimi për të goditur avionin ushtarak rus është diktuar nga dëshira për të garantuar sigurinë e rrugëve të furnizimit me naftë në territorin turk”- ka theksuar Putin.

HM Revenue and Custom, autoriteti britanik i taksave ka hartuar një listë prej 90 shtetesh, të cilat brenda janarit të 2016 duhet të ndajnë informacionet bankare me to. Shqipëria gjendet në këtë listë…Kjo iniciativë, e shoqëruar me një fushatë, për të cilën prestigjiozja The Telegraph shkruan se po bëhet me qëllim për të “kapur” shkelësit në të gjithë vendet, nënkupton shkëmbimin e informacioneve bankarë nga këto shtete, vetëm për shtetasit britanikë.

Policia italiane në bashkëpunim em atë kosovare arrestoi katër kosovarë pas një operacioni anti-terrorizëm.  Bëhet fjalë për një organizatë terroriste, e cila përmes rrjeteve sociale propagandonte ideologji xhihadiste. “Truri’ i grupit, Samet Imishti që ka jetuar për disa vjet në Itali u arrestua në Kosovë, ndërsa të tjerët u arrestuan në Itali, ku jetonin prej kohësh.  Operacioni i koduar “Van Dam”  u shtri në Breshia, Vincenca, Peruxhia si dhe në Kosovë.

Që institucionet e “prodhimit” të artit janë kthyer në  mejhane qokash për pushtetet e radhës kjo dihet botërisht dhe iluzionet se ndryshimi politik që ndodhi në 2013 do sillte një filozofi të re në drejtimin e artit kombëtar janë fatalitete që ndoshta vetëm në Shqipëri mund të tolerohen.

Sali Berisha shkruan sot se kryeministri i vendit, Edi Rama, është përpjekur të korruptojë me një dosje pronësie, presidentin Bujar Nishani. Lajmësi i kësaj oferte ka qenë sipas Berishës, Engjëll Agaçe, sekretar i Përgjithshëm i Kryeministrisë. Dështimi i kësaj përpjekjeje, që qenka denoncuar nga Nishani në organet përkatëse, është bërë shkak sipas Berishës që Edi Rama të bojkotojë pritjen e Presidentit me rastin e festës kombëtare.

Gjykata Kushtetuese e Shiqipërisë ka rrëzuar një kërkesë të Gjykatës së Lartë për dekriminalizimin e prostitucionit. Gazeta “Dita” bën me dije se Gjykata Kushtetuese është shprehur kundër kërkesës për të shfuqizuar paragrafin e parë të nenit 113 të Kodit Penal që parashikon dënimin nga gjobë deri në 3 vjet burg për çdo person që ushtron prostitucion. “Gjykata e Larta pretendonte se ky nen nuk është në përputhje me Kushtetutën dhe se diskriminon femrat karshi meshkujve. Por, ndryshe mendojnë anëtarët e Gjykatës Kushtetuese, të cilët thonë se pretendimi është i pabazuar.