Slideri Kryesor

Irani ka deklaruar sot se avionë të Arabisë Saudite kanë goditur selinë diplomatike të tij në kryeqytetin e Jemenit. Informacioni është përcjellë nga agjencia iraniane IRIB dhe citon zëdhënësin e Ministrisë së Jashtme, Hossein Jaberi Ansari. “Arabia Saudite është përgjegjëse për dëmet e shkaktuar në ndërtesën e a,basadës dhe plagosjen e disa pjesëtarëve të stafit”, tha Ansari. Ky akt pason sulmin ndaj ambasadës së Arabisë Saudite në Teheran dhe shkëputjen si pasojë e tij, të marrëdhënieve diplomatike mes dy vendeve.

Prodhimi në Shqipëri ndodhet sot në nje gjendje kritike, por kriminalizimi i parlamentit, informaliteti endemik i shoqërisë dhe drejtësia e pa denjë për besim, të ndjekura nga një Media shpesh partiake e jo etike, e kanë larguar vëmendjen e publikut nga prodhimi. “Prodhimi ? Kush merret me të në Shqipëri përveç naivëve?” dëgjon rëndom në Tiranë. Por ai është në bazë të zhvillimit të çdo vendi dhe gjendja e tij është tregues i pa neglizhueshëm i ekonomisë.

Një hetim i Prokurorisë së Tiranës ka zbardhur skemën e plotë të përdorur nga biznesmeni Rezart Taçi për t’iu shmangur taksave dhe tatimeve.
Që prej vitit 2013, organet tatimore por edhe ato vendore të Bashkisë Ballsh dhe komunës Qendër në Mallakastër kanë konstatuar disa herë detyrimet që kompania “Armo” kishte ndaj shtetit për ushtrimin e veprimtarisë së saj.

Ambasadori amerikan në Tiranë, Donald Lu, ka thënë për rrjetin “BIRN” se kërkesat dhe angazhimi i ambasadës në Tiranë  për reformën në drejtësi, është politikë dhe direktivë e Deprtamentit të Shtetit si dhe Shtëpisë së Bardhë. “Po bëjmë thjesht punën tonë. Të gjithë ne në Ambasadën amerikane jemi të përqendruar në reformën në drejtësi për shkak të udhëzimit direkt nga zyrtarë të lartë në Shtëpinë e Bardhë dhe në Departamentin e Shtetit.

Publikisht OSHEE i është përcjellë publikut si një histori suksesi, por gjithmonë ka dy të vërteta për punët e qeverisjes, ajo që i thuhet publikut dhe ajo që pasqyron bilancin e vërtetë të të ashtuquajturave reforma. Këtë zyrtarët e thonë jashtë kamerave siç është rasti i zotit Manjani në emisionin "Opinion" gjatë kohës televizive off record. Vlerësimi për OSHEE-në, thjesht është superkatastrofë. Më interesante, me bujë dhe me tangërllik qeveritar, Çela i OSHEE-së u shpall edhe Administratori i Vitit nga Kryeministri. 

Ilir Meta ka disa kohë që ka nisur të flasë më lirshëm për pasurinë e tij. Madje duke mëtuar që të kultivojë idenë se ai është i pari që ka ndërmarrë nismën e transparencës së financimeve të partive, por edhe të pasurisë së politikanëve. Pak javë më parë kaloi si pa u nënvizuar shumë lajmi, se Lëvizja Socialiste për Integrim, vendosi që të bënte publike online, fondet që ajo merr për fushatë elektorale.

Ka shumë diskutime rreth lajmit se Korea e Veriut ka kryer testin e bombës së parë me hidrogjen. Ka edhe një njoftim zyrtar për këtë, ndonëse prej disa burimeve mediatike dhe politike është folur për bllof.

Televizioni francez “Canal +” ka realizuar një investigim special për të zbuluar se si trafikohen kallashnikovët nga Shqipëria për në Francë. Investigimi me titull “Rruga e Kallashnikovëve”, e gazetares Vanina Kanban, u transmetua të hënën në orën 21:00. “Kallashnikovi” është përdorur në dy sulme terroriste në Francë, në redaksinë e revistës “Charlie Hebdo”, si dhe në sulmet e fundit në Paris ku mbetën të vrarë 130 persona. Gazetarja ka nisur investigimin që në prill të vitit 2014.

Kryetari i BDI, Ali Ahmeti, do të takohet të premten në Athinë me ministrin e jashtëm grek, Nikos Kotzias. Sipas medias greke, kjo vizitë inkuadrohet në përpjekjet për gjetjen e një rrugëdaljeje në çështjen e emrit, që ka krijuar një ngërç konstant në marrëdhëniet midis Greqisë dhe Maqedonisë prej më shumë se 20 vjetësh.
Në fakt, strategjia e Athinës, për një përafrim me udhëheqësit e shqiptarëve në Maqedoni, ka filluar që në vitin 2013, kur Ali Ahmeti ishte takuar po në Athinë me ministrin e atëhershëm të punëve të jashtme, Evangelos Venizelos dhe atë të mbrojtjes, Avramopulos.

Partia Demokratike nuk ka marrë pjesë sot në tryezën e reformës në Drejtësi. Qëndrimi i demokratëve vjen pasi ata nuk pranojnë mënyrën se si po diskutohet për miratimin e neneve të Kushtetutës.
Burimet pranë grupit të ekspertëve thanë për Panorama se përfaqësuesi i PD-së, Enkelejd Alibeaj ka dërguar një email mbrëmë ku ka kërkuar që diskutimi të vijojë në nivel politik dhe jo më në nivel teknik.