Slideri Kryesor

Lëvizja Vetëvendosje poston në profilin e vet në “Facebook” se është arrestuar “aktivisti Arbër Zaimi, shtetas i Republikës së Shqipërisë”. Arsyet që jep partia e Albin Kurtit janë interesante: “Policia e Kosovës, sapo arrestoi aktivistin e VETËVENDOSJE!-s, Arbër Zaimi, vetëm për shkak sa ka shtetësi të Republikës së Shqipërisë. Siç po duket, Qeveria e Kosovës është e vendosur që të largojë nga Kosova secilin qytetar të Republikës së Shqipërisë, dhe po aq e vendosur që të lehtësojë intervenimet e ndryshme, legale dhe ilegale të Serbisë.

Fondi Monetar Ndërkombëtar i bashkohet zërave të partnerëve të Shqipërisë që kërkojnë reformën në drejtësi. Gjatë një konference për shtyp me ministrin e Financave, Arben Ahmetaj dhe Guvernatorin e Bankës së Shqipërisë, Gent Sejko, shefja e Europës Lindore dhe Jug-lindore e FMN-së, Anita Tuladhar deklaroi se përmirësimi i parametrave ekonomikë kalon nga reformat strukturore.  “Për të përmirësuar klimën e biznesit më tej, nevojitet që të vazhdohet puna me reformat strukrurore sa i takon të drejtave të pronësisë, reformës në drejtësi dhe në fushën e së drejtës së shoqërive”, tha ajo.

Bashkia e Tiranës ka vendosur të përdorë Ndërmarrjen e Ujësjellës- Kanalizimeve si agjent tatimor për vjeljen e tri taksave e tarifave vendore. Kështu nëfaturën e ujit do të përfshihet taksa për pronën, ajo e pastrimit dhe infrastrukturës arsimore. Ndërsa dy të fundit janë fikse, përkatësisht, 5 mijë dhe 1800 lekë në vit, taksa për pronën përllogaritet në varësi në zonës, llojit të ndërtesës dhe sipërfaqes që zë. Të tria ndahen dhe paguhen në 12 këste mujore.

Athina konsideron se "ligji i luftës" është pa fuqi dhe se mes dy vendeve nuk ka gjendje lufte. Pyetjes së një gazetari në konferencën e dy ministrave të jashtëm të hënën në Athinë, kreu i diplomacisë greke i përgjigj duke sjellë në vëmendje vendime apo traktate që rrëzojnë çdo pretendim për gjendje lufte mes dy vendeve. "Greqia nuk është në luftë me Shqipërinë. Këtë e vërteton edhe deklarata e Këshillit të Ministrave në vitin 1987, e vërteton edhe traktati i miqësisë i vitit 1996.

Në mledhjen e djeshme të Parlamentit Europian, grupi i të gjelbërve kërkoi mbështetjen për amendamentin lidhur me hidrocentralin në Parkun e Vjosës. Eurodeputeti, Igor Soltes, tha se edhe pse bëhet fjalë për një projekt të energjisë së gjelbër ai nuk mund të cënojë standardet mjedisore.
« Ka një amendament për mbrojtjen e standarteve mjedisore në lumin Vjosa. Eshtë amendamenti 134 dhe ne duam mbështetjen kolegevë për këtë. Ne e mbështesim energjinë e gjelbër, por jo me çdo çmim"- deklaroi eurodeputeti.

Brukseli është në shok nga disa shërthime që kanë lënë pas dhjetra viktima. Dy shpërthime u shënuan në aeroport, njëri fare afër vendit ku bëhej chek-in i biletave të kompanisë American Airlines. Mediat raportojnë për 34 viktima dhe mbi 180 të plagosur. Para shpërthimeve në aeroport u dëgjuan krisma dhe një burrë që vraponte duke bërtitur në arabisht. Një shpërthim i tretë raportohet të ketë ndodhur në metronë e Brukselit, shumë pranë ndërtesës së Komisionit Europian.

Në debatin për Shqipërinë, Parlamentit Evropian iu propozua një amendamend nga ekstremi i djathtë francez për ndërprerjen e negociatave të  anëtarësimit të Shqipërisë me Bashkimin Evropian. Raportuesi Knut Fleckenstein nuk e pranoi këtë  amendament që ishte edhe më kritiku nga 163 amendamentet dhe që kishte të bënte me  ankesat e veçanta për të drejtat e minoriteteve raporton "Abc News". "Mesazhi kryesor i draft-rezolutës është aprovimi i shpejtë i reformës në drejtësi. Shumica e amendamenteve kanë ardhur nga raportuesit në hije dhe unë i falenderoj për këtë.

Partia Demokratike duket se nuk ka më asnjë opsion të jashtëzakonshëm për zgjedhjet. Në ndryshim nga kundërshtarët e vet në qeveri që ecin me plane A.B,C, gjithë një bashkësi hipotezash që bazohen tek “famëkeqja” “Nëse”, PD-ja i sheh zgjedhjet si të mundshme vetëm në vitin e tyre normal, 2017. Të paktën kjo rezulton nga deklarimet e kreut të saj, Lulzim Basha, i cili gjatë një takimi me shqiptarët e organizatës “Vatra” në SHBA, ka folur për garancitë që do të kërkojë opozita.

Ministria e Mbrojtjes njofton sot se në Tiranë ka zhvilluar një vizitë kreu i Forcave Tokësore amerikane për Europën, gjenerallejtënant Ben Hodges. Ai ka takuar zv.ministrin e Mbrojtjes, Petro Koçi dhe shefin e Shtabit të Përgjithshëm, gjeneral, Jeronim Bazo, me të cilin dha edhe një konferencë të përbashkët për shtyp.