Slideri Kryesor

Miratimi me procedurë të përshpejtuar i projektligjit për Byronë Kombëtare të Hetimit ngjan si një lëvizje e papritur nga qeveria  po t’i referohemi deklaratave të krryeministrit se ngritja e kësaj njësie  do të ishte pjesë  e paketës për reformës në drejtësi dhe për  këtë do të pritej mendimi i Komisionit të Venecias. Tv Klan raporton se drafti që kaloi në qeveri u kundërshtua nga ministri i LSI-së, Ylli Manjani, ndonëse pak orë më vonë kryetari i Grupit Parlamentar, Petrit Vasili doli në një konferencë për shtyp për të përshëndetur vendimin.

Dështoi në përpjekjen e parë, por provon sërish. Ministria e Transporteve ka publikuar në Agjencinë e Prokurimeve Publike dhe në gazetën “Financial Times” hapejn e tenderit ndërkombëtar për rrugën Durrës-Kukës. Afati i kontratës është parashikuar 30 vjet dhe parashikon mirëmbajtje dhe investim për ndërtim. “Koncesionari te mbledhë e te mbaje te ardhurat nga rruga dhe ne këmbim te kësaj, duhet te financoje përmirësimin e autostradës, te ndërtoje nje ure mbi lumin Drin ne Kukës dhe te zbatoje punimet me urgjente te stabilizimit te saj.

Ardian Fullani ka kërkuar kthimin në detyrë si Guvernator i Bankës së Shqipërisë. Pasi fitoi betejën ligjore në të gjitha shkallët – në Gjykatën e Lartë pasi prokuroria nuk bëri rekurs – Fullani ka bërë një kallëzim për Bankën dhe Kuvendin e Shqipërisë për shkarkim të paligjshëm. Ai u arrestua në shtator të vitit 2014 për shpërdorim detyre pasi u konstatua vjedhja e 713 milionë lekëve. 

http://www.tematv.al/2016/02/10/fullani-kërkon-kthimin-në-detyrë-padit-bankën-e-shqipërisë

Autoriteti i Konkurrencës ka mbyllur një hetim të thelluar në tregun e importit të energjisë elektrike, me qëllim mbulimin e humbjeve në rrjet.
Nga hetimi nuk janë provuar dot shkelje të ligjit “Për mbrojtjen e Konkurrencës”, megjithatë Autoriteti ka vlerësuar se procedurat e tenderimit nuk janë të besueshme dhe nuk ka përjashtuar se mund të ekzistojnë marrëveshje mes operatorëve për ndarjen e tregut.

Fitoret e Donald Trump-it dhe Bernie Sanders-it në primaret e New Hampshire-it (i pari në garën e Partisë Republikane dhe tjetri në garën e Partisë Demokrate),  as që mund të mendoheshin kur filloi fushata e kandidatëve për presidencën amerikane. Por përkundrejt çdo pritshmërie, kripto-fashisti Trump fitoi primaren e parë republikane dhe kripto-marksisti Sanders atë demokrate. Pas këtyre fitoreve, probabiliteti që këta kandidatë të ekstremeve të përballen me njëri-tjetrin në nëntor, për të fituar të drejtën për të qeverisur Amerikën, nuk është më i vogël.

Gazeta “Dita” publikon sot një kabllogram të ambasadës amerikane, cilësuar si konfidencial, i cili përcjell një raportim të ish-shefit të Shtabit të Ushtrisë, Luan Hoxha, në këtë seli në qershor të vitit 2009. Kabllogrami cilëson dëshminë e Hoxhës,mku ai përfshin edhe Shkëlzen Berisha.

“Titulli: Ish-Shefi i Shtabit tregon historinë e tij: Gërdeci pretendon një viktimë tjetër

Datë: 20 qershor 2009

Dërguar: Nga Ambasada Amerikane në Tiranë

Merr: Departamenti Amerikan i Shtetit

Firmosur: Ambasadori Xhon Uidhers

Ministri i Drejtësisë, Ylli Manjani, ka përsëritur edhe njëherë sot në Komisionin e Ligjeve, nevojën e dixhitalizimit të hartave të tokës. Sipas tij mbivendosjet e pasurive të paluajtshme janë problem shumë serioz dhe ndërhyrja me anë të teknologjisë është një zgjidhje e kënaqshme. Kjo ka vlerën e vet edhe në raport me kreditimin nga bankat, që sot paraqitet shumë problematik. “Qeveria ka hartuar një ligj të ri për regjistrimin e pasurive të paluajtshme që synon të shmangë shitjen fiktive të apartamenteve, duke shuar në këtë mënyrë një konflikt shumëvjeçar në shoqërinë shqiptare.

Ministrja e Kulturës Mirela Kumbaro u pyet në Komisionin e Jashtëm për vendimin që parashikon zhvendosjesne eshtrave të piktorit Ibrahim Kodra nga Ishmi dhe rivarrimin në kodrat e Liqenit Artificial në Tiranë.

Kumbaro u tha deputetëve se zotëron aktin noterial, në të cilin, sipas saj piktori i njohur shqiptar shprehte vullnetin që të prehet në një vend në Durrës ose në Tiranë. Por Televizioni Klan që ka zbardhur testamentin thotë se ministrja Kumbaro gënjen pasi në asnjë rresht të testamentit , piktori nuk shpreh vullnetin për vendin ku do të donte të prehej.

Pozicioni i Edi Ramës në krye të PS-së është vënë në diskutim për nga legjitimiteti statutor. Dhe rrëfenjat me laburistë, që janë shtënë në punë, duket se nuk kanë ngjitur edhe aq, sa kohë që një kryetar dhe kryeministër që ka 7 vjet në detyrë, duhet të ketë kurajën që të pranojë garën. Nuk dihet se çfarë do të ndodhë në Kongresin e 19 marsit, por një sugjerim mund të jetë edhe ndryshimi i Statutit. Kjo uk është zyrtare, por sot, “shqiptarja.com”, raportonte se nuk përjashtohet ndryshimi i nenit 30 të Statutit, ku përcaktohet se mocioni ndaj Kryetarit bëhet me 1/3 e firmave të anëtarësisë.

Pas Iranit që deklaroi se do të pranojë pagesa vetëm në euro për shitjen e naftës së vet, një tjetër veprim i ngjashëm pasohet nga Rusia. Agjencia ruse e lajmeve “Sputnik” shkruan se Presidenti i vendit, Vladimir Putrin, ka deklaruar nevojën e përdorimit të monedhave kombëtare në pagesat bilaterale me Iranin dhe me Kinën.