Slideri Kryesor

Mbyllja e rrugës ballkanike mendohet se do ta ekspozojë Europën ndaj një vale migratore nga Afrika. Në mediat gjermane po qarkullon një vlerësim i Agjencisë Europiane për Mbrojtjen e Kufijve(FRONTEX), sipas të cilit hyrja parashikohet të ndodhë nga Libia me anë të gomoneve. “Llogarisim ardhjen e rreth 10.000 refugjatëve në javë nga Libia“, citon gazeta gjermane “Bild”, drejtorin e Frontex-it, Klaus Rösler, që ka folur në një aktivitet të Fondacionit Konrad-Adenauer në Bruksel.

Qeveria është nën hetim parlamentar për marrëveshjen e Mirëkuptimit me CEZ, por ajo refuzon të japë dokumentacionin e kërkuar. Kryetari i Komisionit Hetimor, kërkuar nga opozita, Edmond Spaho, ka deklarur dje në mbledhjen e Konferencës së Kryetarëve se nga kryeministria dhe Ministria e Energjetikës nuk po lëshohet dokumentacioni i kërkuar. “I kemi dërguar kërkesat ministrive për të na sjellë materialet për procesin hetimor dhe sipas ligjit ka një afat deri në 10 ditë. Ky afat i përcaktuar me ligj mbushet sot.

Emisioni “Stop” në “Tv Klan” ka sjellë dje pamje shokuese nga një kopësht privat në Tiranë ku admiistratorja e tij, Anjeza Shabani, qëllon një fëmijë 3 vjeçar. Fëmija i hutuar dhe i trembur vetëm qan, ndërsa Anjeza nuk ndalet dhe siç shihet e lëshon mirë dorën, ndonëse me dorën tjetër u merr paratë prindërve. Është një nga ato raste që nuk ka sesi të kthesh faqen tjetër, sikundër sugjeron heshtja dhe paaftësia e shtetit që duhet medoemos të nisë një kontroll të përgjithshëm mbi situatën në mjedise të tilla.

Presidentja e Kroacisë Kolinda Grabar-Kitarovic dhe Kryeministri i Serbisë, Aleksandar Vuçiç kanë nënshkruar një deklaratë në Suboticë të Vojvodinës për avancimin e marrëdhënieve dhe zgjidhjen e çëshjeve të hapura ndërmjet dy vendeve. Dy liderët u takuan në mënyrë simbolike mbi një urë në lumin Danub që i lidh dy vendet.
Grabar –Kitarovic dhe Vucic kanë thënë se do të synojnë të përmirësojnë raportet që janë tensionuar kohëve të fundit edhe për shkak të bllokadës që po i bën Kroacia rrugës së Serbisë drejt BE’së.

Çështja e pronave kërcënon me kolaps financat publike. E ka thënë më parë Fondi Monetar Ndërkombëtar, e ka konfirmuar sot edhe ministri i Financave, Arben Ahmetaj, gjatë një takimi të organizuar nga Kontrolli i Lartë i Shtetit. “Mënyra sesi është menaxhuar çështja e pronave sot mund të sjellë një risk nga Strasburgu, i cili mund të kalojë, nëse prapë ne nuk bëjmë gjënë e duhur, edhe në mbi 1 miliardë dollarë në dy tre vitet e fundit. Ligji i pronave, nuk është perfekt, por bën zgjidhjen më të mirë të mundshme duke adresuar riskun”, tha Ahmetaj.

Nga kombinimi i koeficientëve të basteve të kompanië Bet365 për ndeshjet e mbetura në grupet kualifikuese të Euro 2016-ës, rezulton se probabiliteti që Shqipëria të kualifikohet për në çerekfinale është rreth 50% (49.87%).

Prokuroria e Përgjithshme ka nisur procedimin penal ndaj ministrit të Brendshëmn, Sajmir Tahiri. Procedimi pason kallëzimin e bërë nga Këshilli i Lartë i Drejtësisë “për kërcënimet dhe shantazhet ndaj gjyqtarit të Tiranës Arjan Aliaj dhe trupës gjyqësore në përgjithësi”. Ndërkohë vijon hetimi për pajisjen përgjuese, për të ciln organi i akuzës po dëshmohet i paaftë që ta marrë nën administrim. As misioni “Interforce” dhe as Ministria e Brendshme drejtuar nga Sajmir Tahiri nuk po japin pajisjen, për të cilën pretendojnë se ka kryer vetëm trajnime. 

Grilinët morën Romën. Kryeqyteti italian do të ketë një kryetare bashkie femër, Virginia Raggi, avokate 37 vjeçare. Por lëvizja “5 yjet” mori edhe zemrën e Piemontit, Torinon, duke vënë me shpatulla për muri kryeministrin Matteo Renzi, i konsideruar si ndër të paktët që ka ditur t’i japë një përgjigje krizës që preku Europën. Këto ishin zgjedhje lokale të cilat Matteo Renzi po refuzon t’i lexojë politikisht. “I humbëm zgjedhjet në periferi jo sepse njerëzit u shprehën mbi sistemin me dy dhoma apo atë zgjedhor.

Deklaratat e Donald Trump pas ngjarjes në Orlando nuk janë përtypur lehtë nga republikanët të cilët janë të ndarë sa i përket të nominuarit të tyre për garën presidenciale të muajit nëntor. Koha kalon dhe po bëhet shumë e vështirë që dikush të gjejë një propozim të kthjellët, apo një qëndrim të përgjegjshëm, brenda kufijvë të normale nga Trump. Nëse dikush mendonte se kjo ishte çështje taktike, qëndrimi me ngjarjen e Orlandos e ka hequr atë. Edhe kreu i partisë, Paul Ryan, kryetar i Kongresit, ka lënë të hapur mundësinë e një kundërvënieje të brendshme ndaj Trump.

Bankat do të kenë të drejtë që të shesin me 30% të vlerës kolateralin e lënë si garanci nga individët apo bizneset që kanë marrë kredi. Kjo do të mundësohet nga një ndërhyrje në Kodin e Procedurës Civile me kërkesë të bankave që e shohin këtë si ndihmë për to për daljen nga situata e krijuar me kreditë e këqija.