Slideri Kryesor

Ilir Meta ja ka nisur edhe njëherë sot këngës që njeh më mirë: As andej, as këtej, derisa të kuptohet nga fryn era e zgjedhjeve. Sigurisht edhe për të rritur peshën negociuese të dy partive që vazhdojnë t’i quajnë të mëdha.

Në kuadër të kësaj sjelljeje prej ngjale, Meta, ka shfrytëzuar një aktivitet në një shkollë në Farkë për të dhënë leksionin e radhës të spërdredhjes sipas parimit: Sot është sot e nesër është nesër.

Enrico Letta, ish-kryeministër i Italisë, i ka dhënë një intervistë “Deutsche Welle” pas punimeve të Forumit Ambrosetti ku Letta bën pjesë. Ai jep disa komente mbi situatën në Itali, një vend që konsiderohet si një minë me sahat në BE, për shkak të problemeve ekonomike dhe financiare që ka. Sipas Lettës Italia duhet të ulë shpenzimet publike dhe taksat.

Partia Demokratike (këshilltarët demokratë në Bashki) ka kallëzuar penalisht kryetarin e Bashkisë Tiranë, Erjon Veliaj për vdekjen e Ardit Gjoklajt në Sharrë. Kallëzimi përmbledh argumentet e PD-së që prekin edhe praktikat e dhënies së shërbimit për mbetjet te privati. Më poshtë kallëzimi i plotë:

I nderuar zoti Prokuror,

Fakte dhe të dhëna mbi ngjarjen rreth krijimit në mënyrë të paligjshme, në shpërdorim detyre dhe duke shpërdoruar interesin dhe pronën publike, me themelimin e shoqërisë aksionere “Eco Tirana”.

Oficeri i policisë Ardian Kodra i cili humbi jetën në detyrë tri ditë më parë në Lezhë ishte i pasiguruar. Nëse do të kishte qenë i siguruar, familja e tij do të kishte përfituar 70 milionë lekë të vjetra, plus përfitimeve të tjera për trajtimin material të policëve.
Drejtori i Sindikatës së policëve Sadetin Fishta tha se që të tre familjet e efektivëve të rënë në detyrë brenda dy viteve nuk kanë asnjë përfitim për shkak se qeveria nuk ka nxjerrë rreth 14 akte nënligjore që vendosin në funksion nenet e ligjit të ri të policëve.

Disa deklarata të Imamit të Madh egjiptian të Al-Azhar, Sheikh Ahmed al-Tayeb kanë krijuar irritim të madh mes klerikëve sauditë. Gjatë një konference në Çeçeni, al-Tayeb ka deklaruar se salafistët nuk janë pjesë e sunitëve. Ai e bëri këtë nënvizim teksa po jepte një përkufizim të sunizmit. Ky deklarim ka acaruar shumë klerikët suaditë që janë pro qeverisë së Riadit.

Afrimi mes PS-së dhe PDIU-së, ose më mirë mes Ramës dhe Idrizit, ka qenë i dukshëm në muajt e fundit (Rama madje e theksoi në konferencën e shtypit virtual afrimin e PDIU-së në koalicionin qeverisës). Në kushtet kur në tregun politik qarkulloi ideja e një qeverie “teknike”, ky afrim ka patur synime afatshkurtra, sepse mund t’i siguronte Ramës 71 votat për të qendruar në krye të qeverisë pa mbështetjen e LSI-së. Por ky afrim mund të ketë edhe synime afatgjata.

Deklarimet e ambasadorit amerikan për çështje apo emra të përveçëm në politikë janë kuptuar si një konfirmim ose përputhje mes qëllimeve të njërës apo tjetrës palë dhe planit amerikan për Shqipërinë. Së fundmi Donald Lu përshëndeti rezultatet e ligjit të dekriminalizimit duke u shprehur nominalisht për deputetë që merituan, sipas tij apo standardeve amerikane të demokracisë, të dalin jashtë politikës.

Enkelejd Alibeaj, zyrtar i Partisë Demokratike, ka denoncuar sërish sot mbjelljen e hashashit në Rinas. Pra pak km nga Tirana, aty ku ministri i Brendshëm duket se nuk i pëlqen të shkojë.
Alibeaj ka sjellë edhe pamje filmike nga vendi i lulëzimit të hashashit nën diellin e ngrohtë të shtatorit, që e bën akuzën një thuajse provë.

Në fund të shtatorit 1943 në Greqi u konsumua ajo që njihet si Masakra e Qefalonisë, në të cilën ushtarë italianë të divizionit Acqui iu kundërvunë me armë gjermanëve në ishullin jonian, duke pësuar humbje masive në jetë njerëzish. Kjo pasi talia fashiste kishte kapitulluar.

Historiografia italiane e ka njohur këtë moment si Aktin e parë të një rezistence antifashiste në Itali, përfshirë këtu edhe spekullimin se i ashtuquajturi referendum që u zhvillua nga ushtarët, ishte shprehje e demokracisë. Kështu e quajti De Gasperi, kështu edhe Campi në vitin 2001.

Refugjatët ndezin sërish tensionet mes Gjermanisë dhe Greqisë. Ministri i Brendshën i Gjermanisë, Thomas de Maziere akzuoi Athinën zyrtare se ka dështuar në regjistrimin e refugjatëve në kufijtë e jashtëm të BE-së çka sipas tij ka sjellë vendime si ato në Hungari ku janë ndërtuar mure për ndalimin e depërtimit të refugjatëve.

Maziere ka shkuar shumë larg kur duke cituar Traktatin e Dublinit 2, ka deklaruar se këto akte duhen shoqëruar me pasoja për Greqinë, të cilat do të konsistonin në kthimin e refugjatëve pas në Greqi.