Slideri Kryesor

Disa aktivistë të "Lëvizjes për Universitetin" kanë hedhur bojë të kuqe ndaj ministres së Arsimit, Lindita Nikolla, në shenjë proteste kundër reformës në arsimin e lartë. Incidenti ndodhi gjatë aktivitetit të ‘Samitit të studentëve’ që zhvillohej tek ‘Piramida’, i organizuar nga Partia Socialiste.

Drejtori i Shërbimit Kombëtar të Inteligjencës së SHBA-së, James Clapper, ka dhënë dorëheqjen. Përmes një letre drejtuar një paneli të kongresit, Komitetit për Inteligjencës ai ka bërë të ditur largimin nga detyra, një akt që nga disa media shikohet si sinjal për administratën Trump që të shpejtojë tranzicionin e pushtetit. Clapper ka shtuar se do të qëndrojë në detyrë deri sa Barack Obama të largohet nga zyra e Presidentit. 

Edhe këtë të enjte në seancën plenare të kuvendit pati tension. Kryeministri Rama kërkoi të marrë fjalën jashtë rradhe, kur diskutanti i radhës ishte ish-kryeministri Berisha. Kaq mjaftoi që podiumi të pushtohet nga deputeti demokrat, Flamur Noka, i cili nuk lejoi që kryeministri të dilte në foltore. Më pas nënkryetarja e kuvendit, Valentina Leskaj ndërpreu seancën.

Në një intervistë për TVSh-në dje, ministri i Jashtëm, Ditmir Bushati, deklaroi se:

"...do të duhet të presim administratën e re me qetësi dhe ajo çka unë do të dëshiroja të siguroja opinionin publik shqiptar është që për Shqipërinë SHBA mbetet një partner i pazëvendësueshëm, jo vetëm thjesht në planin bilateral, por edhe në këtë kënd të Europës Adriatike dhe për ne është mjaft e rëndësishme që SHBA të vijojnë të luajnë atë rol stabilizues dhe të jenë sponsorit kryesorë të stabilizimit e integrimit euroatlantik të rajonit tonë".

Gjykata e Tiranës u ka dhënë dje një goditje të fortë hetimeve të nisura nga Prokuroria e Tiranës ndaj Inspektoriatit të Lartë të Deklarimit dhe Kontrollit të Pasurisë. Në gjashtë vendime radhazi Gjykata ka pranuar kërkesën e ILDKPKI për “heqje të masës së sekuestros” ndaj dokumenteve që Prokuroria kishte bllokuar pas nisjes së hetimeve ndaj ILDKPKI.

 Në të dhënat e bëra publike prej Gjykatës së kryeqytetit, theksohet se palë paditëse apo kërkuese në vendimin e dhënë ka qenë Inspektoriati i Lartë i Deklarimit dhe Kontrollit të Pasurive dhe Konfliktit të Interesave në Tiranë.

Kemi kohë që dëgjojmë informacione dhe deklarata nga pala turke për largimin e bizneseve të Fetullah Gulen nga Shqipëria. Madje në këtë drejtim, qeveria shqiptare nuk ka munguar të hyjë në veprime konkrete. Por nuk jemi vendi i vetëm që jemi në shënjestër të presidentit turk, Reccep Tayyip Erdogan për këtë çështje. Egjipti është një vend tjetër. Në një intervistë të javës së kaluar për rrjetin “Al Jazeera”, Erdogan doli hapur kundër qeverisë egjiptiane, duke deklaruar madje se “Turqia do të vazhdojë të mbështesë luftën e popullit egjiptian për demokraci”.

Rusia ka folur shpesh në mbrojtje të rendit ndërkombëtar dhe normave që burojnë nga dokumentet kryesore. Mbi këtë bazë është kundërshtuar zyrtarisht prej saj edhe pavarësia e Kosovës, një shtet i ri që aktualisht po ecën drejt njohjes nga shumica e vendeve të OKB-së. Mirëpo ky qëndrim mund të shkëmbehet nga Rusia me pavarësinë e Krimesë, rajoni I shkëputur nga Ukraina dy vite më parë, e mbi të cilin Moska shpalli aneksimin e plotë.

Përgjimi i ministrit të Shëndetësisë Ilir Beqaj nuk është ndonjë gjë e madhe. Ai është si të thuash, lajm darke, ndryshe nga lajmet rutinë. Jo vetëm se nga Ilir Beqaj mund të presësh të tjera thagma, por sepse në fakt në atë telefonatë zbulohet ai realitet mbytës ku partia vendos për çdo gjë. Këtë e dimë të gjithë dhe nuk na befason.

Është pra një akt normal i një situate anromale me të cilën bashkëjetojmë prej kohësh. Por kur ministri në fjalë, reagon duke thënë se personi është hequr për shkelje ligji, atëherë kjo kërkon një tjetër qasje.

Emisioni "Stop" ka publikuar sot një diskutim telefonik mes ministrit të Shëndetësisë, Ilir Beqaj dhe ish-drejtorit të Sigurimeve të Kujdesit Shëndetësor në Tropojë, Çlirim Hadarmataj. Ky i fundit është shkarkuar, siç thotë vetë, pa asnjë paralajmërim dhe shkelje. Biseda është interesante, pasi aty mund të kuptosh se Beqaj është i sinqertë: Partia, Ministria, pastaj të tjerat.

Merr pjesë në një aktivitet për luftën kundër korrupsionit, por nuk ka asnjë të dhënë për shpërdorimet që dyshohet se i janë bërë fondeve të dhëna nga qeveria e tij, ambasadori austriak në Tiranë, Johan Satler ka deklaruar për “Tema TV” se nuk ka asnjë informacion mbi ecurinë e projektit e-tax, një sistem që ka kushtuar 16 milionë euro e që duhet të lehtësonte procedurat e deklarimit të biznesit. Për muaj të tërë është folur për probleme në sistem, për mosfunksionim të tij. Por asgjë nuk ka lëvizur nga vendi.