Slideri Kryesor

Kur kanë kaluar më shumë se dy javë nga telefonata mes kryeministrit Rama dhe homologut të tij grek Aleksis Tsipras, gazeta "Kathimerini" ka zbardhur përmbajtjen dhe klimën e acaruar të bisedës mes tyre. Sipas saj, mesdita e 22 Nëntorit ka qenë jo pak nervoze për kryeministrin grek pas telefonatës me homologun shqiptar.

Carlo Bollino – gazetar dhe kurator I përgjithshëm i Bunk’Art 2 – del sot në gazetën e tij, “shqiptarja.com” me një opinion titulluar: “Kush ka frikë nga Bunk'Art dhe nga kujtimi i krimeve komuniste”,  përmes të cilit bën një mbrojtje të projektit, por edhe gjuan në distancë ndaj ish-kryeministrit Sali Berisha. Në parantezë duhet thënë se ky simetrizim artificial që vërehet shpesh kur për çdo kritikë apo akuzë, Berisha kërkon një socialist dhe e anasjellta, pra kur për çdo të keqe publike, dikush kërkon patjetër përgjegjësinë e Berishës që të bëjë kauzë, e bën artificial diskutimin.

Ministri i jashtëm grek, Nikos Kotzias, ka folur edhe një herë për marrëdhëniet me Shqipërinë. Gjatë një takimi me homologun gjerman, Frank ëalter Steinmeier në Athinë, Kotzias iu është referuar përpjekjeve për zgjidhjen e problemeve të mbartura nga e kaluara me fqinjët, “sa më mirë dhe në mënyrë sa më produktive”, siç tha. Duke folur për marrëdhëniet me Shqipërinë, Kotzias tha se kohët e fundit po bëhet një punë sistematike në drejtim të zgjidhjes së problemeve. Në këtë kuadër, shefi i diplomacisë greke vërejti se ka patur “trajtime të papërshtatshme edhe nga ana e Komisionit Europian”.

Analistët kanë frikë se "Jo-ja" e referendumit do ta çojë Italinë në një paqëndrueshmëri politike me pasojë falimentimin e disa bankave dhe efektin domino në Spanjë, Gjermani dhe Francë, duke paralizuar praktikisht tërë sistemin bankar evropian.

Shumë prej bankave italiane janë rrënuar nga kreditë e këqija dhe kanë nevojë emergjente për rikapitalizim. Bashkimi Evropian kërkoi para disa muajsh nga kryeministri Renzi të ndiqte pak a shumë të njëjtën rrugë që ndoqi Greqia, metodën e "qethjes" së depozitave në bankat italiane.

Matteo Renzi ka njoftuar dorëheqjen nga detyra e kryeministrit të Italisë. Siç kishte bërë të ditur për mediat, ai doli në një konferencë për shtyp dhe në dritën e rezultatit të referendumit për reformën kushtetuese, deklaroi largimin.

“Populli italian ka folur në mënyrë të qartë”, tha Renzi duke shtuar se reforma synonte ndryshimin e elitave në një vend ku siç u shpreh ai “politikanët janë përherë të njëjtët njerëz”.

“Nuk ia dolëm kështu që karrigia që bie është ajo e imja. Përvoja ime me qeverisjen përfundon këtu”, tha Renzi ndër të tjera.

Në referendumin e inicuar nga kryeministri italian, Matteo Renzi, vetëm 41% votuan pro propozimit të tij për ta ndryshuar sistemin elektoral, në mënyrë të tillë që partia që merr më shumë vota të ketë mundësinë të qeverisë e vetme ose në koalicion me ndonjë parti të vogël. Kundër këtij propozimi bënë fushatë parti të djathta, të ekstremit të majtë, të ekstremit të djathtë dhe anarkistët e 5 yjeve.

Votuesit italianë duket se i kanë thënë “jo” ndryshimeve kushtetuese të propozuara nga e majta në fuqi. Të dhënat e deritanishme flasin për një kundërshtim të qartë të reformës së propozuar, duke paralajmëruar largimin e Matteo Renzit nga detyra e kryeminstrit. Rezultati merr më shumë vlerë nisur nga pjesëmarrja jo e vogël, 68%, çka do të thotë se nevoja për të thënë një fjalë në vendime kaq të rëndësishme po sfidon indiferencën e deritanishme ndaj politikës.

Ambasadë amerikane false në Ghana. Ja një aktivitet për të cilin nuk të shkon mendja, por që është bërë realitet nga rrjetet kriminale turko-ghanese. Në lojë edhe një avokat me seli në Acra. Lajmi është njoftuar nga Departamenti Amerikan i Shtetit pas një hetimi të autoriteteve të Ghanës. Për një dekadë “ambasada” lëshonte viza autentike të marra në mënyë ilegale. Gjoja – ambasada u mbyll këtë verë dhe deri në atë moment ajo ishte vendosur në një godinë dy katëshe, një flamur amerikan që valëvitej dhe në brendi një foto e presidentit Obama.

Presidenti i Greqisë, Prokopis Pavlopulos, ka paralajmëruar me veto ndaj anëtarësimit të Maqedonisë në Bashkimin Europian. “Për sa kohë që Shkupi vazhdon në rrugën e rivendikimeve ndaj Greqisë, nuk do mund të ketë perspeëktivë europiane”, ka deklaruar Pavlopulos në një intervistë për televizionin publik grek, ERT, që u transmetua të dielën në mesditë.

Minstri i Jasshtëm i Gjermanisë Frank-Ëalter Steinmeier deklaroi në një intervistë për gazetën greke “Kathemirini” se kufijtë ndërkombëtarë mes Turqisë dhe Greqisë janë të pandryshueshëm. Ai citohet nga gazeta greke të ketë deklaruar se Traktati i Lozanës që përcaktoi këto kufij është i padiskutueshëm, duke shtuar se edhe ministri i Jashtëm turk, Cavusoglu ka deklaruar publikisht se “Turqia ndihet e lidhur me Traktatin e Lozanës”.