Slideri Kryesor

Vetëm gjatë vitit 2016 u shtuan 330 milionë euro borxh tatimor të kompanive, bizneseve apo individëve ndaj shtetit, që përbëjnë rreth 31% të stokut total. Vërehet qartësisht se borxhi tatimor është rritur me shpejtësi vitet e fundit, si pasojë e kushteve të vështira në të cilat ka kaluar ekonomia. 

Nigel Farage, pomovuesi dhe predikusesi i Brexit, ka gjetur punë sërish në fushën e tij të suksesshme. CalExit  quhet lëvizja për shkëputjen e Kalifornisë nga SHBA dhe ndarje në dy shtete: bregu që do të dominohet nga liberalët dhe hinterland, që mendohet të jetë më konservativ. CalExit mori 3 milionë vota në zgjedhjet e fundit dhe Farage, një profesionist I retorikës seçesioniste, është punësuar nga republikanët Scott Baugh dhe Gerry Gunster me synim mbledhjen e parave për fushatën dhe firmave për legjitimimin e propozimit në zgjedhjet e vitit 2018.

Pakistani bëhet vendi i radhës që deklaron se do të ndërtojë mure në kufi. Muri do të ndërtohet në zona me kërcënim të lartë, në kufi me Afganistanin dhe synon të frenojë penetrimin e terroristëve. Por Afganistani nuk e njeh kufirin me Pakistanin, ndonëse ai njihet ndërkombëtarisht. Për këtë arsye muri i ideuar nga Karaçi zyrtar mund të kthehet në një çështje diplomatike mes të dhyja vendeve. AFP citon zëdhënësin e Ministrisë së Brendshme Afgane, Najib Danish të ketë deklaruar se muri vetëm sa do të ndajë edhe më shumë njerëzit dhe ne nuk do ta lejojmë atë.

Ministri i ri duket se ka sjellë më shumë optimizëm dhe vetëbesim te qeveria për të luftuar njollën e zezë, të cilën herë e ka mohuar, herë e ka pranuar me gjysmë zëri.  Bëhet fjalë për kultivimin dhe trafikun e kanabisit, një nga fenomenet që ka shenjuar qeverinë PS-LSI dhe që mendohet se “i hëngri kokën” edhe Sajmir Tahirit.  Teksa prezantoi Fatmir Xhafajn si ministër të Brendshëm, kryeministri parashpalli një fitore që sipas tij është vetëm pak muaj larg.

Edhe kur nuk është i pranishëm në media ose i angazhuar me çështje të tjera, Erion Veliaj dhe mrekullitë e tij nëse mund t’i quajmë kështu zënë vend në ekrane. Kështu Televizioni Publik ka transmetuar sot një kronikë për pastrimin e depozitave të ujit. Lajmi në vetvete nuk është ky, por dobia që po sjell një nismë e kryetarit të Bashkisë për administratorët e pallateve, të cilët janë rregullatori adapt për të tilla probleme të komunitetit.

Çadra e opozitës duket se izolohet çdo ditë e më shumë në kauzën e saj për krijimin e një qeverie teknike. Vizita pa bereqet në Uashington dekurajoi dukshëm opozitën dhe kryetarin e saj që gjithsesi përpiqen të tregojnë se ndërkombëtarët janë me ta. Basha megjithatë nxorri një gjysmë justifikimi se partnerët janë të keqinformuar nga lobingjet e narkotrafikut pranë qeverisë por faktet janë kokëforta dhe me publikimin e disave prej tyre në media, drejtuesit e opozitës janë në pozitë edhe më të vështirë. Ardhja me duar bosh nga Uashingtoni nuk ishte i vetmi lajm i keq për opozitën.

Boyko Borisov, kreu i qendrës së djathtë në Bullgari, mund të jetë për të tretën herë kryeministër i vendit. Partia e tij ka dalë e para në zgjedhjet e së djelës ndonëse nuk ka arritur të marrë shumicën e nevojshme.

Qeveria po mbyll mandatin e parë 4-vjeçar dhe në bilancin e vet duket se do ketë një defiçit të madh që ka të bëjë me investimet publike dhe kryesisht ato në infrastrukturë, ku qeveria e kaluar bazoi strategjinë e saj të zhvillimit. Tre korridore që u lanë pa përfunduar nga mandati paraardhës janë pothuajse në gjendjen e 4 viteve më parë.

Ogerta Manastirliu la detyrën e drejtoreshës së Qendrës Spitalore Universitare pasi erdhi në atë detyrë si zgjedhje personale e kryeministrit Edi Rama. Manastirliu njihet si pjesë e atij që quhet si Stafi i Bashkisë, njerëz që kanë punuar me Ramën kur ishte kryebashkiak dhe që aktualisht katapultohen në detyra më të larta pikërisht për këtë kredencial: njohjen me kryeministrin.

Shërbimi sekret izraelit, i njohur edhe si Mossad, është bërë sërish pjesë e telenovelave mediatike. Kësaj radhe në Francë. Një raport i brendshëm i shërbimeve franceze është publikuar nga gazeta e njohur “Le Monde” nxjerr në pah përpjekjet e agjencisë izraelite për të kthyer agjentë francezë në burime të dyfishta informimi. Dhe me sa duket ia ka dalë më sukses.