Slideri Kryesor

Një darkë pas së cilës u fokusua vëmendja e të gjitha mediave, duket se ka qenë kurorëzimi i një marrëveshje të re politike mes Edi Ramës dhe Ilir Metës për të qeverisur Shqipërinë edhe në 4 vitet e ardhshme. Mund të ishte firmosur pa zhurmë dhe show, por mesa duket dy krerët e koalicionit ishin kujdesur edhe për simbolikën e takimit që u mbajt për më shumë se 4 orë në një restorant peshku në zonën e Pazarit të Ri. Të paktën kështu raportojnë mediat informative Ora News dhe News 24 që i referohen burimeve nga takimi, për të cilin vetë protagonistët nuk folën.

Ashtu siç pritej Aleksandër Vuçiç do të jetë Presidenti i Ri i Serbisë. Rezultatet e zgjedhjeve që u mbajtën të dielën  e nxorrën atë fitues me një diferencë të thellë ndaj rivalëve në garën për kreun e shtetit. Kryeministri serb në detyrë rezulton të ketë marrë më shumë se 55 për qind të votave, kundrejt 16 për qind të kundërshtarit kryesor Sasha Jankoviç. 

Me një orë vonesë në komunikimin e fundjavës kryeministri nuk lëvizi nga pozicioni i tij për t’u futur në zgjedhje edhe pa opozitën. Ai theksoi se qeveria nuk ka ndërmarrë asnjë masë që pengon ushtrimin e rolit të opozitës në jetën demokratike të vendit dhe se deri më tani nuk është ndërmarrë asnjë hap për ndryshime në Kodin Zgjedhor pa Partinë Demokratike. Bashkë me mesazhin se nuk ka ndërmend të tërhiqet, Rama bëri një prognozë edhe për partinë ku ka milituar edhe vetë për disa orë në fillim të viteve 90.

Një tjetër shqiptar merr nderimin e Legjionit të Nderit nga Franca. Luan Starova, shkrimtar dhe profesor i letërsisë frënge në Shkup, ish-ambasador i Maqedonisë në Paris, është nderuar së fundmi nga presidenti francez Hollande, me titullin “Legjioni i Nderit”. Në njoftimin e vet, agjencia maqedonas “MIA”, raporton se titulli i është akorduar Starovës për kontributin që ka dhënë në forcimin e marrëdhënieve franko-maqedone. Një arsyetim ky që qëndron mirë në këmbë po të mendosh se edhe vepra letrare e Starovës vlerësohet në Francë.

Shkarkohet nga detyra shefi i komisaritit të Kurbinit Feliks Hysa, masë kjo pas zbulimit të parcelës me 513 fidanë kanabis. Në vijim të masave antikanabis, kreu i Policisë së Shtetit, Haki Çako bëri të ditur se janë marrë masa dhe për disa drejtues të tjetër të policisë, pasi nuk kanë raportuar për kulitivimin e kanabisit. Diçka që çuditërisht vihet re vetëm tani, që në krye të ministrisë nuk është më Tahiri, por Xhafa. 

"TemaTv"

Koço Kokëdhima, drejtues i lëvizjes “Zgjidhja” që operon brenda PS-së, ka menduar t’i drejtohet Asamblesë së partisë me një letër. Letër të cilën e ka bërë publike. Mes të tjerave, Kokëdhima vlerëson se PS-ja ka hyrë në një fazë mbylljeje, distancimi nga realiteti, duke u bërë pengesë për çuarjen përpara të proceseve që ka nevojë vendi. Kritika dhe akuza i është drejtuar lidershipit, Edi Ramës personalisht, aq sa sipas Kokëdhimës, PS-ja sot është një bashkësi parapolitike.

Kodi i Procedurës Penale ka ndryshuar në nenin 449, pika 2, duke hapur praktikisht rrugën e një amnistie për çdo gjë.  Ndryshimi i iniciuar nga disa deputetë të shumicës, parashikon pamundësinë e rishikimit të vendimeve të pafajësisë. 

Ndryshimi: 

Kryeministri i vendit i shndërruar në superstarin e studiove televizive brenda dhe jashte vendit ka shpjeguar në Asamblenë e Partisë Socialiste rëndësinë që ka LSI për atë personalisht dhe Partinë që drejton. Rezymeja është se partia e Ilir Metës pavarësisht se çfarë thotë, i ka shërbyer reformave që kanë çuar Shqipërinë përpara, ndaj dhe sipas Ramës koalicioni PS-LSI duhet të vazhdojë. 

Problemi i refuzimit të vaksinimit të fëmijëve po zgjerohet ndjeshëm në Shqipëri. Prej kohësh qarkullon një legjendë e marrë nga një studim në Britani, sipas të cilës vaksina e fruthit shkakton autizëm. Një përfundim që u hodh në qarkullim në vitin 1998 nga Andreë Ëakefield, ka provokuar një krizë të vërtetë besimi, ose më saktë një zgjerim të dyshimit ndaj vaksinave. 

Sekretari Amerikan i Shtetit, Rex Tillerson ka kërkuar nga vendet e NATO-s të përmbushin objektivin e GDP-së për shpenzimet e mbrojtjes. Qëllimi është që në samitin e ardhsmë të NATO-s në muajin maj, në të cilin do të marrë pjesë edhe presidenti amerikan Donald Trump, aleatët duhet të përmbushin angazhimin e tyre për shpenzime në nivelin 2% të GDP-së, ose të kenë paraqitur plane të sakta për kohën kur do të arrihet ky objektiv. I menjëhershëm ka qenë reagimi i ministrit të jashtëm gjerman, Sigmar Gabriel. “Shpenzimet e mbrojtjes 2% janë ekuivalente me 70 miliardë euro..