Slideri Kryesor

Marrëveshja Rama – Basha, cilido qoftë qëllimi dhe përmbajtja reale e saj, është vlerësuar nga zyrtarë të BE-së. Sipas raportimeve të Tv Klan, Kryetarja e delegacionit të komisionit parlamentar të MSA – së, BE – Shqipëri, Monica Macovei, e cilëson marrëveshjen si të rëndësishme në ecjen përpara të vendit në integrimin drejt BE-së.

Drejtoria e Përgjithshme e Tatimeve u ka rikujtuar tatimaguesve se kërkesat  për heqjen e gjobave për mosdeklarim në afat, duhet të dorëzohen elektronikisht deri në datën 30 Qershor, i cili është dhe afati i fundit që parashikon ligji. 

Ndryshe nga garancitë e autoriteteve iraniane, sulmet e koordinuara terroriste në Teheran, përgjegjësinë e të cilëve e mori e ISIS, është hera e parë që mosmarrëveshjet mes sunitëve dhe shiitëve u transferuan nga Shteti Islamik në Iran. Kjo është edhe hera e parë që celultat terroriste  arrijnë të depërtojnë në vend dhe të bashkëpunojnë me elementë lokale për të organizuar një sulm të kësaj shkalle.

Agjencia ruse e lajmeve “Sputnik” shkruan se Maqedonia do të jetë pjesë e NATO-s në pranverën e vitit 2018. Agjencia citon burime diplomatike sipas të cilave parashikohet që sekretari i Përgjithshëm  iAleancës, Stoltenberg do të vizitojë së shpejti Shkupin në mesin korrikut të këtij viti për të shtyrë përpara procesin. Lidhur me çështjen e emrit thuhet se Shkupi do të pranojë emrin Ish-Republika Jugosllave e Maqedonisë, si një zgjidhje e përkohshme që është pranuar në një intervistë edhe nga kryeministri aktual Zoran Zaev.

Zgjedhjet në Britaninë e Madhe nuk kanë sqaruar ndonjë gjë për të ardhmen e vendit. Konservatorja në detyrën e kryeministrit, Theresa May nuk ka arritur të sigurojë dot shumicën prej 326 vendesh në Parlament, duke humbur 17 vende krahasuar me prezencën e deritanishme të partisë së saj.

Laburisti Jeremy Corbyn ka marrë 30 vende më shumë, 258 vende, ndërkohë që në total aleanca e laburistëve ka 304 vende. Shumica e nevojshme për krijimin e qeverisë është 326 vende në një parlament prej 650 vendesh.

Ilir Meta përsërit shpesh se partia që i ka lënë në administrim Petrit Vasilit do të dalë forcë e parë në zgjedhjet e 25 Qershorit. E përsëriti jo pa qëllim edhe në intervistën që dha në “Opinion” mbrëmjen e së enjtes, këtë radhë jo me qetësinë dhe dashurinë që ka promovuar si kryetar i LSI-së, por me tone kërcënuese dhe diskret deri në detaje për raportet që ka patur me Edi Ramën dhe Lulzim Bashën.

Administrata e presidentit Donald Tramp ka gënjyer për arsyet e shkarkimit të James Comey-t nga drejtimi i FBI-së. Deklarata e fortë vjen nga vetë ish-kreu i Byrosë Federale të Hetimit, Michael Flynn gjatë dëshmisë së tij përpara Komitetit të Inteligjencës së Kongresit Amerikan.

“Administrata amerikane zgjodhi të thotë se shkarkimi im u bë pasi FBI ishte një rrëmujë e madhe dhe se kishte humbur besimin te lideri i saj. Këto ishin gënjeshtra, thjesht dhe qartë gënjeshtra”-tha Flynn.

Minisria e Kulturës ka reaguar ndaj rrëzimit të Manastirit të Shën Athanasit në Leshnicën e Poshtme në Sarandë. Sipas saj, manastiri është në listën e objekteve që po restaurohen, por tërmeti i muajit shkurt shkaktoi të tjera dëme.

Reagimi:

Në kishën e Shën Thanasit në Leshnicë janë kryer inspektime dhe ndërhyrje përforcuese nga DRKK Vlorë, ndërsa gjatë dekadave kjo kishë ka pësuar degradime të rënda në të gjithë elementët strukturorë përbërës të saj dhe nuk është kryer asnjë ndërhyrje deri në vitin 2014. 

Kreu i PD-së po bën fushatë i qetë, me mesazhin dhe idenë se edhe sikur të marrë vetëm votën e tij, do jetë në pushtet. Ai propozon disa gjëra programore që mbeten interesante, si heqje taksash, ulje TVSH-je, likujdim të taksës së transaksionit të pronës dhe kalimin e saj në tarifë fikse, por me to nuk po merret njeri, sepse shohin Lulzim Bashën e Marrëveshjes.

LSI-ja po bën fushatë thuajse iracionale, duke folur në përgjithësi për rininë, vendin e parë dhe punësimin.

Nuk ka rëndësi vendi dhe arsyeja, rëndësi ka që kryeministri i Shqipërisë, Edi Rama, përfaqësues i të gjithëve, flet përpara disa qytetarëve me kombësi greke sesi Vangjel Dulja, është bërë bashkë me Dashamir Tahirin, çamin, dhe ka harruar të drejtat e minoritetit. Nga njëra anë kritikohet përçarja, nga ana tjetër u thuhet minoritarëve se “Vangjeli u bë me çamin”. Por kjo është fare çikërrimë krahasuar me fjalorin të kryeministri që e thërret publikisht Tahirin si “Dashi i Havasë”, një mënyrë private me të cilën mund të thirret personi.