Slideri Kryesor

Ministri i Brendshëm Fatmir Xhafaj ka firmosur urdhërin për Vettingun në radhët e Policisë së Shtetit, Gardës së Republikës dhe Shërbimit të Çështjeve të Brendshme dhe Ankesave.

Sipas këtij urdhëri brenda vitit duhet të dorëzohet analiza e gjendjes aktuale si dhe hartimi i një pakete të plotë ligjore, për realizimin e këtij procesi dhe të ngrihen  strukturat që do të përgatisin procesin e verifikimit të pastërtisë së figurës, integritetit dhe aftësive profesionale të punonjësve të Policisë.

Vatikani duket se ka gjetur gjuhën e përbashkët me kishën ortodokse serbe lidhur me vlerësimin e figurës së kardinalit Alojzije Stepinac. Në një intervistë për revistën “Cord”, Nunci Apostolik i Vatikanit në Serbi, Luciano Suriani, ka vënë në dukje se për figurën dhe veprimtarinë e Stepinac, kreu i kishës katolike kroate gjatë regjimit të ustashëve në Luftën II Botërore, ekziston tanimë një gjykim i përbashkët i komisionit miks të krijuar mes përfaqësuesve të Vatikanit dhe Kishës Ortodokse Serbe.

Shqipëria do të rrisë shpenzimet ushtarake në kuadër të detyrimeve që rrjedhin nga anëtarësimi i saj në NATO. Kryeministri Edi Rama duke folur në Konferencën e Komitetit të NATO-s që po mbahet këtë të shtunë në Tiranë, ka premtuar angazhime të reja nga vendi ynë, e madje edhe shtim trupash në Afganistan. 

Presidenti amerikan Donald Trump tërhiqet nga një tjetër premtim i fushatës që kishte të bënte me prishjen e marrëveshjes për programin bërthamor të Iranit. Kreu i Shtëpisë së Bardhë vendosi të shtyjë në kohë zbatimin e sanksioneve ekonomike të vendosura ndaj Iranit. Burime thanë se pjesëtarë të lartë të kabinetit i kërkuan presidentit të mos hidhte në erë marrëdhëniet SHBA-Iran, pasi Irani do të ishte në gjendje të prodhonte armë bërthamore.

Shteti Islamik mori përgjegjësinë e sulmit terrorist ne metronë e Londrës ku mbetën të plagosur 29 persona.  Sipas një deklarate të transmetuar agjencia propagandës, Amaq ushtarët e kalifatit goditën në zemer të kryeqytetit britanik. Niveli i alarmit në Britani është maksimal, pasi siç tha kryeministrja britanik Teresa May shërbimet britanike konsiderojnë se mund të ketë një tjetër sulm të afërt.Ajo lajmëroi se qytetarët në ditët në vijim do të shohin një numër më të madh të policisë dhe ushtarëve të armatosur në rrugët e vendit.

Duke keqardhjen për dështimin e bisedimeve për ribashkimin e Qipros  verën e kaluar,presidenti i Qipros turkeMustafa Akinci  tha se qipriotët turq nuk kanë ndërmend të hyjnë në një proces të paqartë. As aneksimi nga Turqia, as të qenit një pakicë në Qipro nuk është një opsion për turqit qipriotë tha Akinci në një konferencë të organizuar nga Fondacioni për Zhvillim Ekonomik në Stamboll.

Gjermanët duhet të jetë "krenare" për "arritjet" e ushtrisë së  tyre gjatë Luftës së Parë dhe të Dytë Botërore. Kështu deklaroi, disa ditë para zgjedhjeve federale parlamentare të cilat do të mbahen më 24 shtator,  Alexander Gauland, një nga kandidatët kryesorë të partisë së ekstremit të djathtë Alternativa për Gjermaninë (AFD). Partia e tij në sondazhe mbledh rreth 12 % të votave dhe pritet të bëhet forca e tretë në Bundestag.

Ministria për Evropën dhe Punët e Jashtme ka publikuar sot një deklaratë përmes së cilës dënon ashpër lëshimin e raketës balistike nga Korea e Veriut. Në deklaratë vihet në dukje shkelja e të drejtës ndërkombëtare dhe rezolutave të Këshillit të Sigurimit të OKB-së.

“Qeveria shqiptare i bën thirrje RPDK-së të ndalojë menjëherë provokimet dhe të kthehet në tryezën e bisedimeve si rruga e vetme për një zgjidhje paqësore dhe të qëndrueshme në gadishullin Korean”, thuhet në deklaratë.

Dje u përurua shkolla “Betim Muço”. Vendndodhja: Tiranë, Kombinat. Shkolla do të presë 1200 nxënës. A ka rëndësi për publikun përurimi i një shkolle? Sigurisht që ka. Por më rëndësi ka cilësia e arsimit përveç logjistikës. Por një shkollë ka më shumë rëndësi për komunitetin ku ndërtohet. Mirëpo nëse në Tiranë kryetar bashkie është një njeri si Erjon Veliaj, shkollës “Betim Muço” mund t’i jepet edhe rëndësi ndërkombëtare. Lajmin për përurimin e kësaj shkolle e kanë përcjellë dje në edicionet informative, të paktën dy televizionet kombëtare: Top-Channel dhe Tv Klan.

Korea e Veriut ka lëshuar sot një tjetër raketë që ka fluturuar mbi ishujt Hokaido të Japonisë. Raketa balistike fluturoi në lartësinë 770 km në një distancë 3700 km përpara se të binte në det. Lajmi është raportuar së pari nga ushtria koreanojugore e cila ka lëshuar menjëherë dy raketa balistike duke simuluar një sulm ndaj Veriut. Lëshimi vjen dy javë pas testit bërthamor të kryer nga Pheniani. 

http://www.bbc.com/news/world-asia-41275614