Slideri Kryesor

Të gjitha përdoruesit e agregatorit Yahoo, janë ekspozuar ndaj sulmit të hakerëve në vitin 2013. Situata e vështitë e kësaj kompanie, tashmë nën zotërim të Verizon Comunications Inc, po zbardh detaje të reja nga sulmi i 4 viteve më parë, të cilin mesa duket Yahoo, u mundua ta paraqesë në të tjerë terma. Në dhjetor të vitit të shkuar kompania tha se nga sulmi u prekën 1 miliardë llogari, por së fundmi ajo ka pranuar se në të vërtetë janë prekur të 3 miliardë llogaritë e përdoruesve që kanë një adresë e-maili në të.

Spanja po vihet në vështirësi serioze politike pas referendumit të Katalonjës. Ndonëse me një përkrahje të qartë nga Bashkimi Europian, që u shpreh kundër referendumit për pavarësi, Madridi zyrtar po paguan faturën e ndërhyrjes policore dhe dhunë joproporcionale dhe thuajse të pajustifikueshme ndaj qytetarëve që donin të shpreheshin me votë. Kreu politik i Katalonjës deklaroi ditën e dytë pas referendumit se ai nuk donte një shkëputje dramatike me Spanjën, por një marrëveshje të re bashkëjetese.

Në datën 13 shtator të këtij viti, qeveria aktuale miratoi një vendim titulluar: “Për miratimin e rregullave të përfitimit të shërbimeve publike elektronike”, i cili rregullon “procedurat për ofrimin dhe përfitimin e shërbimeve publike elektronike nëpërmjet shërbimit të transmetimit elektronik të sigurt për qytetarët dhe institucionet publike”.

Grupimi i njohur ndryshe edhe si Lëvizja për Ringritjen e Partisë Demokratike ka dalë me një platformë konkrete, ku propozon ripërsëritjen e zgjedhjeve në PD si e vetmja rrugë për bashkimin e saj dhe kthimin më vonë në forcë fituese të zgjedhjeve.

Bie në sy mungesa në listën e firmëtarëve e Jozefina Topallit dhe Arben Imamit, dy prej figurave që kanë kritikuar po ashtu lidershipin e Bashës, por nuk i janë bashkuar grupimit Patozi.

Qeveria është duke rimodeluar pragun e tatimit mbi fitimin për biznesin, duke konsideruar përfshirjen në skemën e tatim-fitimit të një kategorie që deri më sot ishte përjashtuar nga kjo taksë.

Sipas televizionit Klan në paketën fiskale për vitin që vjen është duke u diskutuar varianti që taksa 0 të jetë vetëm për biznese me qarkullim vjetor deri në 2 milion lekë dhe jo deri në 5 milionë lekë siç është aktualisht. Qeveria e komenton si një porosi të lënë nga misioni i Fondit Monetar Ndëkombëtar në fund të vizitës së tij në Tiranë.

Arrestime edhe në Maqedoni si kusht që qeveria e Zaevit të ketë rrugën e hapur për integrimet euro-atlantike. Ky duket të jetë mesazhi i SHBA për fqinjin tonë lindor.  Zv.ndihmës Sekretari i Departamentit Amerikan të Shtetit, Brian Hoyt Yee ka deklaruar në një intervistë për emisionin “360 gradë” në Tv Alsat në Maqedoni, se të gjitha çështjet e rrjedhura nga përgjimet e paautorizuara që u publikuan nga Zoran Zaev kur ishte në opozitë, duhet të trajtohen ligjërisht.

Misioni i FMN-së që vizitoi Shqipërinë dy javët e fundit doli me një deklaratë që lë pak vend për optimizëm. Përtej mosaprovimit të idesë për bashkimin e Tatimeve me Doganat dhe risqet fiskale të konçesioneve, në terma afatgjatë pritshmëritë mbi ecurinë ekonomike kufizohen nga objektivi për të ulur nivelin e borxhit në 60 për qind për 5 vitet e ardhshme.  

FMN i thotë jo shpenzimeve të tepërta dhe projektit më ambicioz të qeverisë për të injektuar 1 miliardë euro në ekonomi përmes një programi për investime në ifrastrukturë.

Sot gazeta zyrtare e Partisë Demokratike ka në faqen e parë një titull – thirrje për arrestimin e ish-ministres së Mbrojtjes, Mimi Kodheli. Ajo akuzohet për aferën e radarëve të ushtrisë që sipas PD-së, kanë shërbyer për të mbuluar trafikun e drogës, ndërkohë që firma përkatëse ka vijuar të paguhet.

Ajo që ndodhi dje në Butrint zbulon një politikë të kësaj qeverie për të bërë biznes në mjediset e mbrojtura. Dhe për të bërë biznes “siç duhet” nga njerëzit e duhur “që kuptojnë nga kjo punë”. Pasi akuzuan Sali Berishën për kompensimin e një prone në Parkun e Butrintit dhe pasi falën kangjellat e kryeministrisë për këtë park, socialistët përmes Mirela Kumbaros, kanë vendosur ta marrin nën posedim parkun. Në përgjigjen e djeshme pas konstatimit se në Butrint po ndërtohej, Ministria e Kulturës sqaronte se:

Serbia ka vendosur të reagojë zyrtarisht pasi u bë publik qëndrimi i Komisionit Europian për referendumin e Katalonjës dhe pasi përfaqësues në Bruksel, deklaruan se Katalonja dhe Kosova nuk janë e njëjta gjë. Presidenti serb, Aleksandër Vuçiç ka zhvilluar konsultime urgjente me kryeministren, anëtarët e qeverisë dhe drejtuesit e shërbimeve sekrete, për të diskutuar mbi një situatë ambigue që është krijuar nga qëndrimet e KE-së.