Slideri Kryesor

Ka përfunduar me dhunë intervista e një gazetari të Rai “Nemo” me Roberto Spada, vëlla i një kapoklani, Carmine “Romoletto”. Intervista vjen në kuadër të fushatës elektorale dhe është zhvilluar në Ostia, njësi e Romës, që është prekur nga aktivitetet mafioze. Spada qëllon me kokë dhe i thyen hundën gazetarit Daniele Piervincenzi që ka dhënë dorëheqjen në mbrëmje dhe qëllon me një shkop gome kameramanin Edoardo Anselmi. Solidariteti me gazetarin nuk ka munguar, madje edhe nga kryeministri Paolo Gentiloni.

Nuk ka zgjatur shumë qëndresa e Gudar Beqirajt në krye të Akademisë së Shkencave. Në një takim të sotshëm me Presidentin Ilir Meta, ai ka paraqitur dorëheqjen nga detya në të cilën u zgjodh pa garë vetëm disa javë më parë. Në njoftimin e presidencës thuhet shprehimisht se Beqiraj ka përcjellë vendimin e tij duke shprehur formalisht se do të vijojë të kontribuojë për reformimin e Akademisë.

Eksperti i çështjeve të Ballkanit, Janusz Bugajski, flet në një intervistë për "Zërin e Amerikës", për trashëgiminë e komunizimit në Shqipëri. Për lidhjet e trashëguara, për nostalgjinë dhe krahasimet me bilanc pozitiv në favor të regjimit komunist me kohën e sotme. Bugajski sjell edhe një konstatim  interesant në këtë drejtim: sipas tij, në këtë rast “Në një farë mënyre do të thosha se kemi të bëjmë me një frikë nga liria e aktivitetit të sotëm ekonomik”. Është një pikë që është harruar pas arsyetimeve banale politike.

Më poshtë intervista: 

Studiuesi Aurel Plasari shprehet se çështja e Saimir Tahirit nuk do të mbyllet dhe nuk mund të mbyllet. Në një intervistë për emisionin “Studio e Hapur”, zhvilluar më datë 3 nëntor, Plasari, thotë se as kryeministri nuk është në dijeni të disa elementëve të kësaj çështjeje që nuk e lejojnë atë të mbyllet.

“Nuk është vetëm çështja e drogës”, shprehet ai, pa zbuluar gjë më tej.

Opozita duket se është kordinuar me Ilir Metën, të cilit i ka kërkuar publikimin e te dhenave te mbledhjes se  Këshillit të Sigurisë, mbajtur 11 nentorin e shkuar nga presidenti Nishani. Kërkesa është firmosur nga Flamur Noka, Myslim Murrizi, Isuf Çelaj, Ervin Salianji, Xhemal Gjunkshi, Luan Rama dhe Endrit Braimllari. Ata kërkojnë që deklasifikohet materiali i diskutuar në atë tyrezë pas dyshimeve me përfshirjen e zyrtarëve të lartë në trafikun e drogës.

Fatmir Xhafaj është personi të cilit i është besuar operacioni “Forca e Ligjit”, ku do të asisntojnë ngushtë partnerët ndërkombëtarë, dhe në veçanti amerikanët. Jo rastësisht Edi Rama nuk ishte i pranishëm në prezantimin e Task Forcës ku ambasadori Donald Lu përmendi emrat e Arben Ndokës, Elvis Rroshit, Mark Frrokut dhe Gentian Muhamedit, si raste flagrante të lidhjes së krimit me politikën.

Deklarata e zv/ndihmës sekretarit amerikan, Hojt Brijan Yee javën e kaluar në Beograd se Serbia nuk do të përparojë në rrugën e saj drejt europiane nëse nuk heq dorë nga lidhjet e saj me Rusinë shqetësoi jo pak udhëqjen politike të Serbisë.  

Agjencia Beta ka publikuar një përgjigje të autoriteteve të BE-së pas pyetjes se duke marrë parasysh deklaratën e Yee, në cilën masë Shtetet e Bashkuara mund të ndikojnë në afrimin e BE-së me Serbinë, duke pasur parasysh se kuadri ligjor dhe politik për këtë janë negociatat e nëtarësimit të Serbisë.

Partneriteti Publik Privat do të shtrihet edhe në sektorin e prodhimit të armëve. Kështu të paktën ka deklaruar ministrja e Mbrojtjes, Olta Xhaçka gjatë diskutimeve të buxhetit në Komisionin e Sigurisë. Sipas saj Uzina e Mjekësit në Elbasan do rikthejë aktivitetin e saj në prodhimin e armëve luftarake përmes partneritetit me privatët. Mësohet gjithashtu se për prodhimin e armëve në Mjekës për NATO-n, ka shprehur interes një firmë e njohur italiane e specializuar në prodhimin e armëve dhe municioneve luftarake, por ministrja nuk ka specifikuar emrin e kompanisë.

Përfaqësuesi i Fondit Monetar Ndërkombëtar në Shqipëri, Jens Reinke ka dhënë vlerësimet e tij për paketën e re fiskale dhe ndryshimet e bëra nga qeveria në disa taksa.

Veç mosdakordësisë për ndërhyrjet në pragun e tvsh-së dhe zgjerimin e fashës e bizneseve që hyjnë në skemë, Fondi shpreh rezerva edhe për diferencimet që janë aplikuar në taksat për hotelet e luksit dhe mungesën e transparencës në hartimin e ligjeve për taksat.

Ministri i jashtëm shqiptar, Ditmir Bushati dhe homologu i tij grek Nikos Kotzias do të nisin të enjten takimin disaditor në Kretë, për të zgjidhur çështje të klasifikuara si të “vështira” mes dy vendeve. Takimin e konfirmoi për gazetën lokale Flash News.gr kryetari i bashkisë se Spithas ku do të mbahet takimi, Ioanis Stefanakis.