Slideri Kryesor

Një ditë para samitit të Bashkimit Evropian, Presidenti turk Rexhep Tajip Erdogan dërgoi një mesazh rreptë ndaj vendeve Perëndimore. Ai theksoi, ndër të tjera, se vendi i tij nuk do të pranojë mësime nga Perëndimi, duke shtuar se "askush nuk ka të drejtë të luajtë me krenarinë dhe dinjitetin e turqve."

Sot përfaqësues të opozitës kanë bërë zhurmë rreth vendosjes së tarifës 5 euro për kalimin e çdo automjeti në aksin Durrës-Kukës. PD-ja dhe LSI-ja kaë folur për grabitje dhe taksë ndaj marrëdhënieve Shqipëri-Kosovë.

Kreu i PD-së, Lulzim Basha ka pranuar se modelin e taksimit e ka iniciuar së pari PD-ja që në vitin 2011, por sipas tij kjo do të ndodhte sipas dy kushteve: kur qytetarët të kenë alternativa kalimi pa pagesë dhe duke hequr taksën e qarkullimit. Sipas tij mjafton kjo e fundit madje që rruga në fjalë të mirëmbahet.

Qeveria refuzon të shpallë gjendjen  e emergjencës në Shkodër, ndonëse përmbytjet kanë izoluar disa fshatra dhe shumë familje janë evakuuar nga banesat e tyre. Emergjencat Civile vlerësuan se të paktën duhej të shpallej  gjendja e emergjencës së pjesshme, por përmes zv/kryeministres Senia Messi qeveria deklaroi se kjo nuk është e nevojshme. Qeveria nuk ka dhënë një shpjegim bindës pse heziton të shpallë gjendjen e emergjencës civile, ndonëse situata ka precipituar dhe në terren kanë zbritur forcat e ushtrisë.

Sistemi fiskal në Shqipëri, bazuar në konkluzionet e Bankës Botërore, por edhe në përgjigjet që jep biznesi, ka nevojë të rishikohet. Është kjo këshilla e  kreut të Dhomës Amerikane të Tregtisë, Mark Crawford, në një prononcim për Tema Tv. Sipas tij, ky regjim taksimi nuk jep avantazhe as për të nxitur investitorët të çelin biznese të reja.

Kryetari i Kontrollit të Lartë të Shtetit, Bujar Leskaj ka publikuar sot në “Panorama” një opinion mbi korrupsionin. Duke sjellë në vëmendje të dhënat e raportuara së fundmi, si p.sh fakti se Shqipëria renditet në vendin e 19-të në botë si vendi më i korruptuar, Leskaj bën edhe disa sugjerime të cilat lidhen me disa akte të cilat mungojnë që nga ardhja në krye të qeverisë aktuale në vitin 2013.

Njeriu më i kërkuar në Shqipëri nuk dihet se ku është ndonëse për kapjen e tij janë angazhuar edhe autoritetet amerikane. Është fjala për Kelmend Balilin, ish-zyrtari i Transporteve i shpallur në kërkim si kreu i një rrjeti ndërkombëtar të trafikut të drogës. Dikur, Sajmir Tahiri kishte deklaruar se policia ishte afër arrestimit, por gjithçka mesa duket ishte për konsum politik. Edhe ministri aktual, Fatmir Xhafaj tha në një intevistë për Zërin e Amerikës se vendodhja e tij nuk është zbuluar.

Pas skandalit me Cambridge Analytica, një fushatë e vërtetë kundër Facebook ka nisur në media. "The Guardian" dhe "Mashable" janë ndër më agresivet, ndërkohë që "The Economist" shfaqet me një koertinë të goditur. 

"Dështim epik", thuhet në të. Më poshtë disa imazhe që ilustrojnë këtë luftë ndaj rrjetit në fjalë. 

Pas Britanisë së Madhe dhe disa vendeve të BE-së, edhe SHBA po mendon të marrë masa të forta ndaj diplomatëve rusë për shkak të çështjes “Skripal”. “Bloomberg” raporton se edhe administrata amerikane e Presidentit Donald Trump po konsideron dëbimin e diplomatëve rusë që shërbejnë në selinë diplomatike në SHBA.

Trump ra dakord me rekomandimin e këshilltarëve dhe dëbimet ka gjasë të njoftohen të hënën

Shkolla e Magjistraturës rrezikon të mos pranojë studentë të vitit të parë për sezonin e ri arsmor. Kjo për shkak të vonesave në ngritjen Këshillit të Lartë Gjyqësor dhe atij të Prokurorisë, të cilat përcaktojnë me ligj kuotat e pranimeve. Ngritja e këtyre dy organeve është e bllokuar, për aq kohë sa nuk ka përfunduar procesi i Vetting-ut në të cilëin do të kalojnë anëtarët e KLP e KLGJ.  Drejtori i shkollës së Mgjistraturës, Sokol Sadushi në një prononcim për TemA TV se në këto kushte nuk mund të bëhet konkursi i pranimit në shkollë.

Në fund të muajit prill në Shqipëri do të zhvillohet një nga eventet më të rëndësishme në sportin e shahut, Kampionati Botëror i Shkollave. Në një intervistë për "TemA Tv" zëvendëspresidenti i Federatës së Shahut, Erald Dervishi, deklaron se do të marrin pjesë 400 shahistë nga e gjithë bota.

Në fund të muajit prill në vendin tonë do të organizohet një nga eventet më të rëndësishme në sportin e shahut. Durrësi do të bëhet mikëpritës i Kampionati Botëror të Shkollave, ku do të marrin pjesë rreth 400 lojtarë nga të gjitha shtetet e botës.