Blloku Shkenca

Kina po ndërton një radioteleskop i cili mendohet se do ta vendosë në krye të listës së vendeve që detektojnë sinjale nga çdo pjesë e vëzhgueshme e universit. 500 m diametri na hapje, Radio Teleskopi Sferik është duke përfunduar në rajonin jugperëndimor të Guizhou. Është në proces edhe instalimi i 4450 njësive reflektor, që përmirësojnë saktësinë e teleskopit në fjalë. Çdo panel është një trekëndësh barabrinjës me gjatësi brinje 11 m, me kabllo të fiksuara pas çdo paneli, që garanton marrjen në kënde të ndryshme.

KIC 8462852 është një yll 1500 vjet dritë larg nga toka. Ai është vëzhguar nga misioni Kepler dhe ka krijuar shumë debate mbi “sjelljen” e tij. Në diskutim kanë hyrë “alienët”, mundësia e një qytetërimi jashtëtokësor që ndikon në krijimin e ciklit të dritës që vjen në marrësin që është Kepler. “Të dhënat e Kepler për yllin janë të pazakonta dhe ngacmuese: ka rënie të dritës(pulsim) por nuk janë periodike. Ka qindra të tilla...Nëse një planet do të bllokonte dritën e një ylli do të shfaqej me pulsime simetrike të saj; drita zbehet pak, qëndron ashtu për pak dhe më pas rikthehet.

Më në fund metrologët kanë arritur të kuantifikojnë përmes konstanteve matematikore Kilogramin. Cilindri prej plaitini dhe iridiumi që shërben si njësia bazë për kg, e që mbahet në Paris, do të dalë nga qarkullimi. Ajo do të ruhet, por nuk do të ketë më vlerën e përdorimit që ka patur deri më sot.  Kilogrami është njësia e vetme e Sistemit Ndërkombëtar që ende referohet përmes një objekti fizik. Eksperimente të ndryshme për ta ripërkufizuar atë përmes konstanteve themelore kanë nisur që në vitet ’70, vetëm së fundmi është arritur në një marrëveshje.

Kompania e njohur “Boeing” ka prezantuar atë që e cilëson materialin më të lehtë të prodhuar ndonjëherë. Praktikisht materiali është një metal i përbërë nga 99% ajër. Materiali është zhvilluar nga HRL Laboratories që në vitin 2011 dhe ka ngjashmëri me kockat e njeriut: solide nga jashtë, por me boshllëk nga brenda. Kështu duke mbetur të lehta ato përballojnë presione të mëdha. Materiali në fjalë që njihet si mikrolatiçe, pritet të gjejë aplikime në fushën e inxhinierisë aerohapësinore, por edhe në prodhimin e avionëve.

PNAS publikon një studim bazuar mbi sondimin konkret në SHBA, sipas të cilit ndonëse promocioni në fusha të ndryshme, perceptohet njësoj i arritshëm, është më pak i dëshirueshëm nga femrat sesa nga meshkujt. Kjo pasi siç thuhet në studim, femrat perceptojnë se me rritjen në karrierë do të ketë më shumë pasoja negatigve, çka i bën ato më pak të angazhuara. “Vihet re një diferencë e madhe dhe e qëndrueshme gjinore në qëllimet kryesore të njerëzve.

Një grup arkeologësh në Itali, po sjellin në imazhe të reja, 3d, mbetjet e trupave të 86 individëve që humbën jetën gjatë shpërthimit të vullkanit të Vezuvit në vitin 79 p.e.s. Trupat e gjetur në Pompei po skanohen duke përfituar të dhëna të rëndësishme të tipareve, gjendjes shëndetësore, gjinisë, apo edhe çfarë hanin. Deri më tani bëhet e ditur se janë skanuar 30 individë, prej nga ku janë realizuar imazhe 3 dimensionale.

Çmimi “Nobel” për fizikën këtë vit i është dhënë japonezit Takaaki Kajita dhe kanadezit Arthur McDonald. Të dy janë marrë me neutrinon, studimin e tij dhe llogaritjen e masës së tij.  “Zbulimi ka çuar në konkluzionin, me një rëndësi të konsiderueshme, se neutrinot, të konsideruara për një kohë të gjatë se nuk kanë masë, duhet të kenë një të tillë, edhe pse shumë të vogël”, ka vlerësuar juria.