Blloku Politikë

“Agon Channel” është mbyllur. Televizioni që nisi me bujë dhe tërhoqi në gjirin e vet gazetarë të njohur,me rroga të mëdha e që ndërtoi një infrastrukturë të vetën, është vënë në kushte kapitullimi nga ndërhyrja e shtetit. Pak muaj pasi presidenti Francesco Beçheti u godit në planin financiar, sot është OSHEE-ja, ajo që i ka dhënë të shtyrën e fundit. Enti shtetëror që mban dritën ndezur për shqiptarët, ka ndërprerë furnizimin me energji elektrike për një telvizion, që përballej prej muajsh edhe me problemin e pagesës së rrogave.

Qeveria shqiptare ka vendosur t’i kthejë Bashkisë së Tiranës “Parkun Rinia”. Me një vendim të datës 30 shtator, qeveria ka shfuqizuar një vendim të vitit 2009, që ia kalonte mjedisin në fjalë Ministrisë së Punëve Publike, Transportit dhe Telekomunikacionit. “Në mbështetje të nenit 100 të Kushtetutës dhe të neneve 121, pika 1, e 124, pika 1, të ligjit nr. 8485, datë 12.5.1999, “Kodi i Procedurave Administrative të Republikës së Shqipërisë”, të ndryshuar, me propozimin e ministrit të Punëve të Brendshme, Këshilli i Ministrave VENDOSI: 1.

Duke marrë shkas nga konferenca e kryeministrit Rama një ditë pas ndeshjes me Serbinë dhe mesazhit që ai përcolli se pavarësisht humbjes në fushë, Shqipëria mori 3 pikë të arta për qytetarinë, deputeti Ben Blushi bën një analizë të këtij fjalimi të kryeministrit në gazetën Panorama. Blushi thotë se Edi Rama, u përpoq të nxjerrë merita personale në atë që ai e quajti humbje në fushë, por fitore jashtë saj.

Shqipëria do të angazhohet edhe ushtarakisht në operacionet luftarake të NATO-s me një kompani ushtarake që do të jetë e gatshme për t’u përfshirë në misionet e aleancës. Këtë e bëri të ditur ministrja shqiptare e Mbrojtjes, Mimi Kodheli nga ministerial i NATO-s që po mbahet në Bruksel.

Fitorja e serbëve është parë jo vetëm si një ndeshje futbolli, por si një revansh politik dhe patriotik ndaj Shqipërisë. Kryeministri Vuçiç takoi ekipin serb pas mbërritjes në Beograd, ku dhe i uroi për shpirtin që treguan në “Elbasan Arena” duke gëzuar jo vetëm Serbinë, por edhe Kosovën e Metohinë.

Partia Demokratike vijon të mbajë në vëmendje akuzat për tenderin e rikonstruksionit të godinës së Operatorit të Shpërndarjes së Energjisë Elektrike. Sipas deklaratës që ka lexuar sot zëdhënësja Orjela Nebijaj, OSHEE-ja ka rritur fondin limit të tenderit për një ditues të paracaktuar, që është klient i Edi Ramës, kryeministrit. Sipas PD-së, prova për këtë është fakti se ofertuesi i dytë, ka dhënë një shumë prej 3.8 miliardë lekë, ku përfshinte shërbimet dhe fitimin.

Ambasadorja Romana Vlahutin ka bërë të qartë se Reforma në Drejtësi është thelbësore dhe kusht i panegociueshëm për Integrimin e vendit. Ambasadorja e Bashkimit Europian gjatë një vizite në Korçë deklaroi se po përpiqemi shumë t'i shpejgojmë politikës se parësore janë interesat kombëtare. “Në mënyrë absolute që po, sigurisht. Ju e dini që  kemi tashmë ato që quhen 5 prioritete kyçe. Tre prej tyre kanë të bëjnë me sundimin e ligjit, apo shtetin e së drejtës, reforma në gjyqësor, lufta kundër krimit të organizuar dhe lufta kundër korrupsionit.

Kjo qeveria nuk e mendon dot aktivitetin e saj pa u këshilluar nga diksuh që vjen nga jashtë. Sikurse nuk po mendon dot rregullimin e një sektori, sidomos në sferën e shërbimeve, pa futur në lojë nocionin e konçesionit. Saga e çudirave në doganat shqiptare vazhdon edhe pas ikjes së Crown Agents. “Monitor” shkruan se rinovimi i kontratës e ka çuar qeverinë shqiptare në Gjeorgji ku “i është drejtuar për “ndihmë” kompanisë gjeorgjiane të konsulencës, të drejtuar nga ish kryeministri, Nika Gilauri”.

Rritet tensioni mes krerëve të PD në rrethe dhe ish-ministrave të kësaj partie. Këta të fundit kanë reaguar në një mbledhje grupi të PD, duke i kërkuar kryetarit Lulzim Basha që të mos lejojë fyerjet dhe sulmet e tyre. I pyetur nga “Panorama”, kreu i PD në Vlorë, Moisi Meminaj thotë: “Ju lutem na lini të qetë të punojmë për fitoren e vitit 2017. Ta riformatojmë, ta sjellim sërish PD-në fituese ashtu siç i takon. Na e latë Vlorën me 3 deputetë në vitin 2013, e çuam në 4 deputetë në vitin 2014, na lini ta çojmë në 5 deputetë në vitin 2015”.