Blloku Politikë

Jo pa qëllim kryeministri Rama prezantoi në Asamblenë Kombëtare të Partisë Socialiste zv/ministrat e rinj, ose ajo që mund të quhet “garda” e dytë e pushtetit.  Bëhet fjalë për 33 emra që i bashkohen qeverisjes së Partisë Socialiste në nivel zv/ministrash.

Shumica janë emra të panjohur ose të paafirmuar më parë si figura politike të kësja partie, çka nënkupton edhe hyrjen e PS në një fazë rotacioni. Nga zv/ministrat e vjetër, Rama ka mbajtur në detyrë vetëm Petro Koçin te Ministria e Mbrojtjes i cili do të jetë i vetëm si zëvendës i Olta Xhaçkës.

Gramoz Ruçi ka dhënë dorëheqje nga funksionet në Partinë Socialiste. Ai e ka njoftuar vendimin gjatë punimeve të Asamblesë së kësaj force e cila zhvillon sot mbledhjen e saj të radhës. Ruçi deklaroi se largimi bëhet për shkak të detyrës si Kryetar Kuvendi, e cila kërkon angazhim të plotë. Ruçi ka mbajtur deri më sot detyrën e sekretarit të Përgjithshëm, prej nga ku duhet thënë se ka mbajtur kontrollin e një partie jo të lehtë për t’u menaxhuar. 

Mero Baze ka publikuar sot në faqen online të gazetës “Tema” një opionin për situatën e krijuar në Këlcyrë nga biznesmeni Hari Lena. Sipas Bazes, kompania e Lenës po shkatërron vlerat turistike të zonës, një gjë që nuk është më risi në këtë vend. Bashkë me Hec-et që o mbijë në lumen e Vjosës, kjo është vetëm një shkelm më shumë në shpërfytyrimin e pasurisë kombëtare e cila mund dhe duhet shfrytëzuar ndryshe. Por Baze ndalet te një aspekt tjetër: qetësinë e biznesmenit në fjalë përkundrejt të gjithë presionit që po bëhet nga media për këtë çështje.

Shkruan Baze:

Komiteti Shqiptar i Helsinkit kapublikuar sot një raport të shkurtër mbi gjetje të pjesshme të organeve ndihmëse të vettingut. Të tilla janë Drejtoria e Sigurisë së Informacionit të Klasifikuar, Inspektoriati i Lartë për Deklarimin, Kontrollin dhe Verifikimin e Pasurisë, Këshilli i Lartë i Drejtësisë, Prokuroria e Përgjithshme. Sipas Komitetit tri institucionet e para “i janë përgjigjur pjesërisht kërkesës për informacion të KShH-së, mbi mbarëvajtjen e deritanishme të këtij procesi”.

David L. Phillips, Drejtor i Programit për Ndërtimin e Paqes dhe të Drejtave në Institutin e Studimit të të Drejtave të Njeriut të Universitetit Columbia, thotë në një intervistë për televizionin "Koha" në Kosovë se financimi nga Turqia me 44 milionë dollarë i xhamisë së Prishtinës, është një përpjekje për ta minuar identitetin kombëtar shqiptar dhe për ta kufizuar ndikimin amerikan në këtë rajon.

Erdogan ka financuar me 33 milionë dollarë edhe xhaminë e Namazgjasë në Tiranë, ku dhe mori vetë pjesë në inagurimin e fillimit të punimeve.

Partia Demokratike dha një tjetër shfaqje donkishoteske mesa duket nga nevoja për të konfirmuar veten si opozitë dhe kryetarin si lider. Por ajo që prodhoi ishte deklarata manekine e kryetarit të saj, Lulzim Basha që i bëri thirrje popullit të marrë në dorë fatet e parlamentit.

 Në thelb shumë zhurmë për asgjë nga i njëjti njeri që bërtiste dhe ulëriste në çadër duke kërkuar që njerëzit të çoheshin për të shpuar gomat e zyrtarëve, ndërsa më pas i hodhi krahun kryeministrit dhe firmosën një marrëveshje që mbetet pazar për aq kohë sa nuk bëhet publike.

Lulzim Basha është përjashtuar sot nga punimet e seancës plenare të Parlamentit për shkelje të Rregullores. Në materialet video që u shpërndanë, tregohet Basha që kërkon me këmbëngulje mbledhjen e Konferencës së Kryetarëve për të diskutuar reformën zgjedhore, futjen e saj në rend të ditës, pas kërkesës për debat që sipas tij, ka depozituar opozita. Kreu i seancës. Gramoz Ruçi, ka refuzuar kërkesën duke argumentuar se Konferenca e Kryetarëve nuk ka atribute mbi një seancë që ka nisur. Por ky është vetëm aspekti teknik i përballjes që çoi në përjashtimin e inskenuar të Bashës.

Grupi për Ringritjen e Partisë Demokratike ka sqaruar sot përmes një përfaqësuesi të vet, Ridvan Bodes, se cilat janë synimet e tij dhe cili është raporti me linjën zyrtare të partisë.

Jo aksidentalisht pa Shqipërinë dhe Maqedoninë katër vende të rajonit kanë nisur një axhendë bashkëpunimi që sipas ty lidhet me kursin Europian të Ballkanit Perëndimor.

Greqia, Bullgaria, Rumania dhe Serbia mbajtën në Varna samitin e parë katër-ditor me pjesëmarrjen e kryemministrave të 3 vendeve që janë anëtare të BE-së dhe presidentit serb, Aleksandër Vuçiç. 

Grupimi i njohur ndryshe edhe si Lëvizja për Ringritjen e Partisë Demokratike ka dalë me një platformë konkrete, ku propozon ripërsëritjen e zgjedhjeve në PD si e vetmja rrugë për bashkimin e saj dhe kthimin më vonë në forcë fituese të zgjedhjeve.

Bie në sy mungesa në listën e firmëtarëve e Jozefina Topallit dhe Arben Imamit, dy prej figurave që kanë kritikuar po ashtu lidershipin e Bashës, por nuk i janë bashkuar grupimit Patozi.