Blloku Politikë

Ambasada e SHBA në Tiranë ka shpërndarë një deklaratë përmes së cilës konsideron se Shqipëria nuk ka një Ministri të Brendshme funksionale, pavarësisht se kryeministri Edi Rama vlerësoi se puna vazhdon njësoj.

Një vizitë patjetër shumë e rëndësishme dhe me konotocion simbolik të posaçëm mund të konsiderohet ajo e presidentit të Republikës, Ilir Meta në komunitetin arbëresh të Kalabrisë në Shën Demetër Korona.

Ai është shoqëruar nga homologu italian, Sergio Mattarella, që e ka konsideruar tokën e arbëreshëve si vendin ku të gjithë

arbërershë, shqiptarë, italo-arbëreshë dhe italianë e ndjejme veten në shtëpinë tonë

Ilir Meta u prit me shumë entusiazëm në Lungro të Kalabrisë, ku mijëra arbëreshë dolën për t’i uruar mirëseardhjen kreut të shtetit shqiptar.

“Kalabria është shumë e rëndësishme për ne, sepse këtu është zemra e bashkësisë arbëreshe të zhvendosur në Itali që në Mesjetë. Ju jemi mirënjohës që kanë ruajtur gjuhën, traditat, zakonet, identitetin që nga koha e Skënderbeut. Është meritë e tyre, por edhe e kalabrezëve dhe italianëve, që i kanë mirëpritur.’’ – u shpreh Presidenti Meta.

Kryeministri i Shqipërisë Edi Rama doli sot në Parlament për të mbajtur ndër të tjera edhe leksion kushtetues të kompetencave të tij dhe të Presidentit. Sipas leximit të z. Rama dhe atyre që i kanë shkruajtur fjalën, Presidenti ka 12 kompetenca, mes të cilave asnjë për të Refuzuar propozimet e Kryeministrit për anëtarët e kabinetit qeveritar.

Sandër Lleshi është caktuar sot në detyrën e zv.ministrit rë Brendshëm pasi Parlamenti votoi dekretin e Presidentit të Republikës për shkarkimin e Fatmir Xhafajt.
Lleshi do të drejtojë de facto Ministrinë e Brendshme, por jo si titullar i saj për shkak se Presidenti refuzoi dekretimin e tij për arsye që janë lënë të kuptohen se kanë të bëjnë me sigurinë, por që nuk janë përcjellë qartësisht dhe zyrtarisht. Po kështu Parlamenti ka shmangur thirrjen në seancë dëgjimore informuese të përfaqësuesve të Presidencës, sipas sugjerimit të kreut të Shtetit.

Fjala e kryeministrit Edi Rama, sot në Parlament:

Shqipëria po konsumon një krizë në qeverisjen e vendit, me ministra që ikin pa thënë pse dhe të tjerë që nuk hyjnë dot në qeveri. Mund të ketë shumë mënyra për ta shpjeguar këtë krizë, e cila është simptomë. Simptomë e keqqeverisjes, e fazës degraduese të pushtetit, por edhe e asaj që është shndërruar Partia Socialiste. 

Kryeministri foli me dyer të mbyllura në grupin parlamentar për përplasjen e tij me Ilir Metën duke thënë se Presidenti është duke kërkuar një konflikt me mazhorancën. Kësisoj sipas Ramës, arsyet e mosdekretimit të Sandër Lleshajt janë të sforcuara dhe të paqena.

Mediat raportuan për një letër që i ka shkuar kryeministrit nga zyra e Presidentit me të gjitha arsyet e mosdekretimit të Sandër Lleshajt. E pyetur nga Respublica nëse Presidenti do ta bëjë publike letrën, zyra për shtyp e tij se për momentin nuk është vendosur për ta publikuar.

Një ditë pasi Edi Rama kishte konsumuar në Presidencë bisedën me Ilir Metën për mosdekretimin e Sandër Lleshajt, deputetët afër kryeministrit mesa duket kanë marrë lejen për të folur lidhur me sjelljen e Presidentit.

Nuk ka asnjë dyshim  që në Partinë Socialiste mendojnë si Edi Rama dhe aq më tepër rishtarët që janë katapultuar në politikë si pjesë e enturazhit të tij.

Gjatë paradites u citua një fjalë e Edi Ramës në grupin parlamentar ku u hodhën akuza ndaj Ilir Metës se ka shkelur kushtetutën me mosdekretimin e Lleshajt.